स्कोर्पियो र एक्सयूभी ७०० लाई पछि पार्दै महिन्द्राको यो एसयूभी बन्यो बेस्ट सेलर

महिन्द्राको ३ एसयूभी एक्सयूभी७००, स्कोर्पियो एन र स्कोर्पियो क्लासिकको बुकिङ १ लाख ३० हजार युनिट नाघेको छ । महिन्द्राका ती एसयूभीहरु हरेक महिना ८ देखि ९ हजार युनिट बुकिङ हुन्छन् ।

तर महिन्द्रा बोलेरो गत महिना कम्पनीको सबैभन्दा धेरै बिक्री हुने एसयूभी बनेको छ । महिन्द्राले सो एसयूभी अक्टोबर २०२२ मा ३२ हजार २२६ युनिट बेचेको छ । यो कम्पनीको अहिलेसम्मकै उच्च बिक्री हो । अक्टोबर २०२१ मा, बोलेरोका ६ हजार ३७५ युनिट बिक्री भएको थियो ।

बोलेरो पछि कम्पनीको सबैभन्दा धेरै बिक्री हुने एसयूभी नयाँ स्कर्पियो–एन हो । सो एसयूभी ७ हजार ४३८ युनिट बिक्री भएको थियो । गत वर्ष सोही महिनामा कम्पनीले स्कोर्पियो एनका ३ हजार ३०४ युनिट मात्र बिक्री गर्न सकेको थियो ।

कम्पनीको एक्सयूभी३०० तेस्रो ठूलो बिक्री हुने एसयूभी हो । यसले अक्टोबर २०२२ मा ६ हजार २८२ युनिट बिक्री गरेको थियो । गत वर्षको अक्टोबरमा ४ हजार २०३ युनिट बिक्री भएको थियो ।

महिन्द्रा बोलेरो कम्पनीको ७ सिटर एसयूभी हो । सो एसयूभी बी४, बी६, बी६ ओ गरी ३ भेरिएन्टमा उपलब्ध छ । बोलेरो फेसलिफ्टमा बीएस ६ कम्प्लायन्ट १.५ लिटर एमहक७५ डिजेल इन्जिन छ जसले ३,६०० आरपीएममा ७५ बीएचपी पावर र १,६००–२,२०० आरपीएममा २१० एनएम टर्क जेनेरेट गर्छ । यसको इन्जिन ५ स्पिड म्यानुअल ट्रान्समिसनसँग जोडिएको छ । यसको मूल्य ९ लाख ४७ हजार भारु रहेको छ ।