२०७८ जेठ ४ मंगलबार,

रिकन्डिसन बजारमा सर्बाधिक खोजिने ५ कार, जसको रिसेल भ्यालु उच्च छ

नयाँ होस या पुरानो गाडी खरिद गर्दा ग्राहकले ध्यान दिने एउटा महत्वपूर्ण पक्ष भनेको यसको रिसेल भ्यालु पनि हो । रिसेल भ्यालु अर्थात सेकेन्ड ह्यान्डमा बिक्री गर्दा आउने यसको मूल्यले गाडीको बिक्रीमा महत्वपूर्ण भूमिका खेलेको हुन्छ ।

रिकन्डिसन व्यवसायीका अनुसार जुन गाडीको रिसेल भ्यालु उच्च हुन्छ, रिकन्डिसन बजारमा त्यस्ता गाडीको माग उच्च हुने गर्छ । व्यवसायीका अनुसार हाल नेपाली बजारमा उपलव्ध यी गाडीहरुको रिसेल भ्यालु उच्च रहेको छ ।

सुजुकी स्विफ्ट
नेपाली बजारमा सर्बाधिक बिक्री हुने मध्येको एक ह्याचब्याक कार सुजुकी स्विफ्टको रिसेल भ्यालु उच्च रहेको छ । इन्धन किफायती, सर्बसुलभ स्पेयर पार्ट्स र मर्मतसम्भार खर्च कम पर्ने बिशेषताका कारण स्विफ्ट सर्बाधिक रुचाइएको कारका रुपमा गनिन्छ । रिकन्डिसन बजारमा स्विफ्टको माग सर्बाधिक बढी रहेको व्यवसायी बताउँछन् ।

हुन्डाई आई १०
सुजुकी स्विफ्टपछि सर्बाधिक रिसेल भ्यालु भएको अर्को गाडी हो हुन्डाई आई १० । आई १० ले बिगत ३ बर्ष यता सर्बाधिक बिक्री हुने ह्याचब्याक कारको पहिचान बनाउँदै आएको छ । हुन्डाइको ब्रान्ड भ्यालु, उच्चतम माइलेज र सर्बसुलभ स्पेयर पार्ट्स तथा सहज सर्भिसिङका कारण यो कार ग्राहकको पहिलो रोजाइमा पर्न सफल भएको हो । रिकन्डिसन बजारमा यो गाडीको माग उच्च रहेको छ ।

सुजुकी ब्रेजा
कम्प्याक्ट एसयूभी ब्रेजा नेपाल भित्रिए लगत्तै चर्चित बनेको थियो । यहि सेग्मेन्टका अन्य कारको तुलनामा केही सस्तो र अत्याधुनिक फिचर्सका कारण यो गाडी लोकप्रिय बनेको हो । नेपाली बजारमा सुजुकी कारप्रति ग्राहकको बिश्वास र सर्बसुलभ बिक्री पश्चातको सेवाका कारण ब्रेजाले कार पारखीहरुको बिश्वास जित्दै आइरहको छ । कम मूल्यमा एसयूभी प्रयोग गर्न चाहने ग्राहकहरुको रोजाइमा पर्न थालेपछि हाल रिकन्डिसन बजारमा यसको माग उच्च छ ।

हुन्डाई क्रेटा
एसयूभी बजारमा सर्बाधिक लोकप्रिय र बिक्रीका हिसाबले समेत सर्बाधिक सफल मानिएको क्रेटा एसयूभी पारखीमाझ सर्बाधिक खोजी गरिने गाडी हो । रिकन्डिसन बजारमा खासै नपाइने यो एसयूभीको माग भने उच्च रहेको छ । प्रायः क्रेटा प्रयोगकर्ताहरु छिट्टै यो गाडी बिक्री गर्न नचाहने नाम उल्लेख नगर्ने शर्तमा एक व्यवसायी बताउँछन् । जसका कारण पनि रिकन्डिसन बजारमा यो गाडी प्रायः अभाव हुने गरेको छ । ती व्यवसायीका अनुसार नयाँ मोडलको क्रेटा आएपछि भने पुरानोसँग नयाँ एक्सचेन्ज गर्नेहरु बढेका कारण हाल रिकिन्डसन बजारमा यो एसयूभी भेटिन थालेको छ । रिकन्डिसन बजारमा आए लगत्तै यो एसयूभी राम्रो मूल्यमा बिक्री भईहाल्ने उनले बताए ।

फोर्ड इकोस्पोर्ट
नेपाली बजारमा भित्रिएको पहिलो कम्प्याक्ट एसयूभी इकोस्पोर्टको रिकन्डिसन बजारमा राम्रो माग छ । यही सेग्मेन्टका अन्य एसयूभीहरुको तुलनामा केही सस्तो मूल्यका कारण इकोस्पोर्टको रिकन्डिसन बजार राम्रो भएको हो । फोर्डका अन्य गाडीहरुको रिसेल भ्यालु खासै राम्रो नभए पनि राम्रो माइलेज र उच्चतम पर्फमेन्सका कारण इकोस्पोर्टको माग उच्च भएको हो ।

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...