अल्ट्राभाइलेटको वहुप्रतिक्षित इलेक्ट्रिक मोटरसाइकल सार्वजनिक, रेन्ज ३०७ किलोमिटरसम्म

भारतमा हिँजो नयाँ व्रान्डको इलेक्ट्रिक मोटरसाइल लन्च गरिएको छ । अल्ट्राभाइलेट अटोमोटिभले एफ ७७ इलेक्ट्रिक मोटरसाइकलको तीन भेरियन्ट लन्च गरेको हो ।

स्पोर्ट सेग्मेन्टको यो मोटरसाइकललाई औपचारिक लन्च गर्नु अगावै विश्वका १०९ देशबाट ७० हजार भन्दा बढी ग्राहकले वुकिङ गरेका थिए । जसका कारण यो नयाँ मोटरसाइकल धेरैका लागी वहुप्रतिक्षित वन्दै आइरहेको थियो ।

जेट फाइटरबाट प्रेरित भई डिजाइन गरिएको यो नयाँ मोटरसाइकल स्ट्यान्डर्ड, रिकन र लिमिटेड एडिसन गरी कुल तीन भेरियन्टमा उपलब्ध गराइएको छ । जसमध्ये लिमिटेड एडिसन भने जम्मा ७७ युनिटमात्र उपलब्ध हुनेछ । यी मोटरसाइकलको मूल्य क्रमश ३ लाख ८० हजार, ४ लाख ५५ हजार र ५ लाख ५० हजार भारु निर्धारण गरिएको छ ।

यो मोटरसाइकलको अगाडी एडजष्ट गर्न मिल्ने यूएसडी फर्क सस्पेन्सन जडान गरिएको छ भने पछाडी मोनोशक सस्पेन्सन दिइएको छ । यसमा डबल डिस्क ब्रेक, डबल च्यानल एबीएस जस्ता फिचर उपलब्ध गराइएको छ ।

यसको स्ट्यान्डर्ड भेरियन्टमा ७.१ किलोवाट आवरको व्याट्री प्याक जडान गरिएको छ भने मोटरको क्षमता २७ किलोवाट रहेको छ । ३६.२ विएचपी पावरको यो भेरियन्टले सिंगल चार्जमा २०६ किलोमिटर रेन्ज प्रदान गर्ने दावी गरिएको छ ।

अन्य दुई भेरियन्ट रिकन र लिमिटेड एडिसनमा भने १०.३ किलोवाट आवरको व्याट्री प्याक जडान गरिउको छ भने मोटरको क्षमता क्रमश २९ र ३०.२ किलोवाट रहेको छ । जसमध्ये रिकनको अधिकतम पावर ३८.९ विएचपी र लिमिटेड एडिसनको ४०.५ बिएचपी रहेको छ ।

यी दुवै भेरियन्टले ३०७ किलोमिटर रेन्द प्रदान गर्ने दावी गरिएको छ । शून्य देखि ६० किलोमिटर प्रतिघण्टाको स्पीड मात्र २.८ सेकेन्डमा पूरा गर्ने वताइएको यसको टप स्पीड भने १४७ किलोमिटर प्रतिघण्टा रहेको छ ।