मासिक २४ हजार वा ३१ हजारमा रेनो काइगर लिन सकिने : यस्तो छ व्यवस्था

नेपाली बजारमा रेनो काइगर सिंगल टोन र डबल टोन तथा टर्बो पेट्रोल गरी तीन मोडलमा रहेको छ । यी सबैमा पनि फरक फरक भेरिएन्टमा सो एसयूभी उपलब्ध छ ।

रेनो काइगरको सबैभन्दा कम मूल्यको भेरिएन्ट सिंगल टोन आरएक्सईको मूल्य २९ लाख ९९ हजार रुपैयाँ छ । सिंगल टोन विभिन्न ८ भेरिएन्टमा उपलब्ध छ र यसको मूल्य ३९ लाख ४९ हजार रुपैयाँ सम्म छ । त्यसैगरी डबल टोन विभिन्न ६ भेरिएन्टमा रहेको छ र यसको मूल्य ३२ लाख १५ हजार देखि ३९ लाख ८४ हजार रुपैयाँ सम्म छ । टर्बो इन्जिनयुक्त रेनो काइगर विभिन्न ४ भेरिएन्टमा रहेको छ र यसको मूल्य ४० लाख १५ हजार देखि ४२ लाख ९९ हजार रुपैयाँ सम्म छ ।

सिंगल टोन र डबल टोन म्यानुअल र अटोमेटिक ट्रान्समिसनमा उपलब्ध छन् भने टर्बो इन्जिनयुक्त रेनो काइगर चाहिं म्यानुअल ट्रान्समिसनमा मात्र उपलब्ध छ ।

रेनो काइगर सीएमएफ–ए प्लस प्लेटफर्ममा विकसित गरिएको सब फोर मिटर एसयूभी हो । रेनो काइगर १.० लिटर पेट्रोल इन्जिनले ७१ बीएचपी पावर र ९६ एनएम टर्क जेनेरेट गर्छ ।

कुनै व्यक्तिले रेनो काइगर किन्नु परेमा नेपालमा रेनो गाडी बिक्री–वितरण गरिरहेको एड्भान्स्ड अटोमोबाइल्सले विभिन्न छुट र अफरको व्यवस्था गरेको छ । त्यसैले रेनो काइगर किन्नु परेमा पाइने छुट समेत उपलब्ध हुनेछ ।

कुनै व्यक्तिले सबैभन्दा कम मूल्यको रेनो काइगर किन्नु प¥यो भने रेनो काइगर सिंगल टोन आरएक्सई म्यानुअल ट्रान्समिसन किन्न सकिन्छ । यसको मूल्य २९ लाख ९९ हजार रुपैयाँ तोकिएको छ । यसमा सिधै ५० हजार रुपैयाँ कम्पनीले छुट उपलब्ध गराएको छ ।

यस अनुसार बाँकी २९ लाख ४९ हजार रुपैयाँलाई आफू अनुकूलको स्किममा किन्न सकिन्छ । फाइनान्समार्फत गाडी खरिद गर्नका लागि व्यक्तिले शुरुमा कमसेकम ५० प्रतिशत रकम बुझाउनु पर्ने व्यवस्था छ । यस अनुसार आफूले २९ लाख ४९ हजारको ५० प्रतिशत रकम १४ लाख ७४ हजार ५ सय नगद नै बुझाउनु आवश्यक छ । बाँकी ५० प्रतिशत रकमलाई फाइनान्स गरेर किस्ताबन्दीमा तिर्न सकिन्छ ।

यसरी तिर्दा ५ वर्ष वा ७ वर्ष सम्म लगातार मासिक किस्ता तिर्ने गरी विभिन्न बैंकहरुले ब्याजदरको व्यवस्था गरेका छन् । सामान्यतः ७ देखि १२ प्रतिशतको दरमा विभिन्न बैंकहरुले यस्तो सुविधा उपलब्ध गराइरहेका हुन्छन् ।

यसका आधारमा औसतमा १० प्रतिशत ब्याजको गणना गर्दा ७ वर्ष सम्म तिर्नेले मासिक २४ हजार ५ सय र ५ वर्षमै तिरिसक्नेले मासिक रुपमा ३१ हजार ५ सय रुपैयाँ जति तिर्नुपर्छ ।

कुनै कम्पनीले यसरी किस्ताबन्दीमा गाडी किन्नु परेमा भने ३० प्रतिशत मात्रै रकम शुरुमा बुझाएर बाँकी रकम विस्तारै बुझाउन सकिने व्यवस्था छ । यस अनुसार यो गाडीका लागि कम्पनीले शुरुमा ८ लाख ८४ हजार ७ सय रुपैयाँ मात्र बुझाए पुग्छ । बाँकी २० लाख ६४ हजार ३ सय रुपैयाँ किस्ताबन्दीमा तिर्दा हुन्छ ।

त्यसैगरी विभिन्न मोडलका गाडीहरुको मूल्य अनुसार किस्ताबन्दीको रकम पनि फरक फरक छ । रेनो गाडी किनिसके पछि ५ वर्ष वा १ लाख किलोमिटर गुड्दा सम्म इन्जिन र गियरबक्समा वारेन्टी पाइन्छ । त्यसैगरी २ वर्ष वा ३ पटक निःशुल्क सर्भिसिङ उपलब्ध हुन्छ ।