बिक्री पछिको सेवामा मारुती सुजुकीले वनायो नयाँ रेकर्ड

मारुती सुजुकीले बिक्री पछिको सेवामा नयाँ माइलस्टोन हाँसिल गरेको छ । कम्पनीले एकै महिनामा २४ लाख ५० हजारभन्दा बढी सवारी साधनको सर्भिसिङ गरेर नयाँ रेकर्ड बनाएको हो ।

मारुती सुजुकीको इतिहासमा यो पहिलो पटक भएको कम्पनिका सिईओ हिसाशी ताकेउचीले बताए । ‘हामीले एक महिनामा २४ लाख ५० हजारभन्दा बढी सवारी साधनको मर्मत सम्भार र सर्भिसिङ गर्यौ, जसले सेवा सञ्जालको स्केल, गहिराइ र दक्षता झल्काउँछ’ उनले भने ।

मारुती सुजुकीसँग भारतभर ५ हजार ४०० भन्दा बढी सर्भिस टच पोइन्टको विशाल नेटवर्क छ । कम्पनीले आर्थिक वर्ष २०३०/३१ सम्ममा आफ्नो सर्भिस नेटवर्कलाई ८ हजार टच पोइन्टमा विस्तार गर्ने लक्ष्य राखेको छ ।

भारतमा आफ्नो पहिलो विद्युतीय एसयुभी ई भिटारा लन्च गर्ने तयारी गरिरहेको कम्पनीले यसको सुरुवात अघि नै १ हजार वढी शहरमा १ हजार ५०० वटा ईभी डेडिकेटेड सर्भिस सेन्टर तयार गर्दैछ ।