तयार हुँदै गरेको एक्सयूभी ई८ फ्याक्ट्रिमा देखियो, यस्तो हुनेछ विशेषता

महिन्द्राको पहिलो न्यू जेनेरेशन इलेक्ट्रिक एसयुभी ई८ तयार हुँदै गरेको अवस्थामा देखिएको छ । सो एसयूभी यसअघि परिक्षणका क्रममा ढाकिएको अवस्थामा देखिएको थियो । अहिले भने यसको प्रोडक्सन मोडललाई फ्याक्ट्रिमा तयार हुँदै गरेको अवस्थामा देखिएको हो । एक्सयूभी ई८ लाई कम्पनीले यसै वर्षको अन्तिमतिर लन्च गर्ने तयारी गरिरहेको छ ।

सो नयाँ इलेक्ट्रिक एसयूभीको एक्स्टेरियरमा महिन्द्राले त्रिकोणात्मक हेडल्याम्प, पूर्णत चौडा एलईडी लाइट बार, क्लोज्ड अफर ग्रिल, रग्ड फ्रन्ट बम्पर र एक्सयूभी ७०० को जस्तै बोनेट र डोर प्यानल दिने भएको छ । साथै यसको इन्टेरियरमा फ्रन्ट प्यासेन्जरका लागी समेत स्क्रिन उपलब्ध हुनेछ । डुअल स्क्रिन ड्यासबोर्ड र टु स्पोक फ्ल्याट बटम स्टेरिङ ह्विलले यसको इन्टेरियरलाई आधुनिक देखाउनेछ ।

महिन्द्राको आफ्नौ नयाँ इंग्लो स्केटबोर्ड प्लेटफर्मममा तयार हुन लागेको एक्सयूभी ई८ मा ८० किलोवाट आवरको ब्याट्री प्याक जडान हुनेछ । अल ह्विल ड्रइभ सिस्टम उपलब्ध हुने यसको पावर ३५० एचपीसम्म हुने अनुमान गरिएको छ । यो एसयूभीलाई एकपटक फुल चार्ज गरेपछि ५०० किलोमिटरसम्म गुडाउन सकिने अनुमान गरिएको छ ।