महिन्द्राले सार्वजनिक गर्‍यो ४ नयाँ एसयूभीको कन्सेप्ट, नयाँ डिजाइन र प्रविधिले भरिपूर्ण

महिन्द्राले ४ नयाँ एसयूभीको अवधारणा प्रस्तुत गरेको छ । कम्पनीले अगस्ट १५ मा ‘फ्रिडम एनयू’ नामक विशेष कार्यक्रम आयोजना गरी भिजन एक्स, भिजन टी, भिजन एस र भिजन एसएक्सटी नामका ४ मोडल सार्वजनिक गरेको हो। यी सबै मोडल एनयू.आईक्यू नामक नयाँ प्लेटफर्ममा निर्माण गरिनेछ ।

भिजन टी र भिजन एसएक्सटी दुवै मोडल पहिले सार्वजनिक थार.ई अवधारणाबाट प्रभावित देखिन्छ । भिजन टीलाई बाकस-जस्तो बडी डिजाइनमा तयार गरिएको छ, जबकि भिजन एसएक्सटीलाई ट्रक-शैलीको क्याबिन डिजाइन दिइएको छ ।

भिजन एसको डिजाइन सीधा रेखा र बक्स आकारमा आधारित छ, तर यसको अगाडिको प्रोफाइल आधुनिक र आकर्षक छ। ट्विन पिक्स लोगो र एल-आकारको हेडल्याम्पसँगै दुबै छेउमा ठाडो रूपमा राखिएका एलईडी लाइटले यसलाई निकै आकर्षक बनाएको छ । अफरोड क्षमताका लागि छानामा माउन्ट गरिएका लाइट, बलियो बम्पर, साइड प्लास्टिक क्ल्याडिङ र ठूला ह्विल आर्च जस्ता विशेषता रहेको छ । साथै यसमा फ्लस डोर ह्यान्डल, सुव्यवस्थित बाहिरी सिसा हेर्ने ऐना र नयाँ डिजाइनका अलोय ह्विल पनि छ ।

भिजन एक्स मोडलको डिजाइन शार्प र आकर्षक छ। यसको फ्रन्टमा पातलो हेडल्याम्प, स्लिम एयर इनटेक र लामो हुड रहेको छ। यसको रियरको लुक कुपे शैलीको रहेको छ। यसमा फ्लस टाइप डोर ह्यान्डल र ड्युअल टोन फिनिस भएको पछाडिको बम्पर पनि छ, जसले यसको प्रिमियम र आधुनिक आकर्षणलाई थप बलियो बनाएको छ।