महिन्द्राले देखायो इलेक्ट्रिक एसयुभीका लागि तयार पारिएको नयाँ इन्टेरियर

महिन्द्राले पहिलोपटक आफूले तयार गर्न गैरहेको इलेक्ट्रिक एसयुभी कन्सेप्टको इन्टेरियर देखाएको छ । यसै वर्षको जुलाई महिनामा सर्बजनिक गर्ने भनिएको ‘बर्न महिन्द्रा भिजन’ अन्तर्गत निर्माण हुने नयाँ इलेक्ट्रिक एसयुभीका लागी उसले यो इन्टेरियर तयार पारेको हो । जसको डिजाइन प्रताप बोसको नेतृत्वमा बेलायतस्थित महिन्द्रा एड्भान्स डिजाइन यूरोपले गरेको जनाइएको छ ।

यो नयाँ इन्टेरियर एक्युभी ७०० मा दिइएको डुअल इन्फोटेन्मेन्ट स्क्रिन सेटअप जस्तै देखिएको छ । तस्बिरमा देखाइए अनुसार यसको ड्राइभर सिटलाई ककपिटमा बसेजस्तै फिल हुने गरी बिशेष प्रकारले डिजाइन गरिएको छ भने ड्यासबोर्डलाई समेत बिल्कुलै नयाँ थिममा तयार पारिएको छ ।

औडी कारमा जस्तै यसको एसी भेन्टलाई ड्यासबोर्ड भित्र लुकाइएको देख्न सकिन्छ । सेन्ट्रल कन्सोल समेत एकदमै सफाचट र आकर्षक देखाइएको छ । स्टेरिङ ह्विल र पानारोमिक सनरुफका लागी डुअल स्पोक डिजाइन दिइएको छ ।

२०२७ भित्र ८ वटा इलेक्ट्रिक कार लन्च गर्ने उद्घोष गरेको महिन्द्राले पहिलो चरण अन्तर्गत कम्प्याक्ट एसयुभी, मिड साइज एसयुभी र एसयुभी कुपेलाई लन्च गर्ने यसअघि नै बताइसकेको छ ।