मिड साइज एसयूभीमा महिन्द्रा स्कर्पियो एनको क्रेज कायमै, बजार हिस्सा ५१ प्रतिशत

भारतमा एसयूभी ‘स्पेसलिष्ट’का रुपमा परिचित महिन्द्राले मिड साइज एसयूभीमा आफ्नो बर्चश्व कायमै राखेको छ । ४.४ देखी ४.७ मिटरसम्म लम्बाई भएका एसयुभीलाई भारतमा मिड साइज एसयुभी भनिन्छ र यसमा महिन्द्रा स्कर्पियो एन र एक्सयूभी ७०० को बजार हिस्सा ७३.२३ प्रतिशत छ ।

गत मार्च महिना भारतमा कुल २९ हजार ७१९ वटा मिड साइज एसयुभी बिक्री हुँदा स्कर्पियो एनले ५०.९८ प्रतिशत हिस्सा ओगट्यो । मार्चमा उक्त एसयुभी १५ हजार १५१ यूनिट बिक्री हुँदा अर्को मोडल एक्सयुभी ७०० ले ६ हजार ६११ यूनिट बिक्री हाँसिल गर्दै २२.२५ प्रतिशत हिस्सा आगटेको हो ।

तेस्रो सर्बाधिक बिक्री हुने मोडलमा टाटा सफारी परेको छ । मार्चमा सफारी २ हजार ६३ यूनिट बिक्री भएको थियो । यसैगरी टाटा ह्यारियर २ हजार ५४, एमजी हेक्टर÷प्लस १ हजार ८८७ र हुन्डाई अल्काजार १ जार ४२० तथा जीप कम्पास ३२९ यूनिट बिक्री भए । उक्त महिना सिट्रोन सी५ एयरक्रस भने कुनैपनि यूनिट बिक्री भएन ।

गत बर्षको सोही महिनाको तुलनामा स्कर्पियो एनको बजार ७२.४१ प्रतिशत तथा एक्सयूभी ७०० को २९.४५ प्रतिशतले बृद्धि हुँदा टाटा सफारीको ९.१५ प्रतिशतले मात्र बृद्धि भएको छ । यो सेग्मेन्मटमा सामेल अन्य ब्राण्डको भने नराम्रोसंग घटेको छ ।