कुपन्डोलमा महिन्द्राको नयाँ ‘ट्विन पीक’ २ एस सर्भिस सेन्टर

काठमाडौं– महिन्द्रा गाडीको नेपालका लागि आधिकारिक बिक्रेता अग्नी ग्रुप ( बालाजु अटो वर्कस) ले आफ्ना सेवाग्राहीहरुको सुविधाका निम्ति कुपन्डोलमा नयाँ ‘ट्विन पीक’ २ एस सर्भिस सेन्टर संचालनमा ल्याएको छ ।

सो नयाँ सर्भिस सेन्टरको उद्घाटन मंगलबार मन्द्रिा एण्ड महिन्द्राका अन्तराष्ट्रिय अपरेसन हेर्ने क्षेत्रीय प्रबन्धक जोइदीप मोइत्रा, क्षेत्रीय प्रबन्धक (नेपाल, भुटान र बंगलादेश) चैतन्य कगलकार, अग्नी ग्रुपका प्रबन्ध निर्देशक क्याबिनेट श्रेष्ठ, अग्नी ग्रुपका कार्यकारी निर्देशक सुसन श्रेष्ठ, र अर्जुन प्रसाद शर्माले संयुक्त रुपमा गरेका हुन् ।

सो नयाँ सेवा केन्द्र स्थापना गर्नुको उद्देश्य ललितपुर र आसपासका क्षेत्रमा बसोबास गर्ने ग्राहकहरूलाई सुविधाजनक पहुँच र समयमै सहयोग सुनिश्चित गर्नु रहेको कम्पनीले जनाएको छ ।

अग्नी ग्रुपले हाल नेपालभर रहेका आफ्ना नेटवर्कहरुबाट सेवाग्राहीलाई गुणस्तरीय सेवा दिईरहेको छ । उत्कृष्ट तथा सहज सेवाको पहुँच बढाउने उद्देश्यका साथ बालाजु अटो वर्कसे आफ्ना सेवाहरु नेपालभर विस्तार गर्ने लक्ष्य लिएको छ ।