लुयानले ल्याएको नगद छुट अफर छठसम्म उपलब्ध हुने

काठमाडौं– लुयान स्कुटरको नेपालका लागि अधिकारिक वितरक जेरो इमिसन राईड एनले नेपाल ईभी शोमा ल्याएको नगद छुटलाई छठ पर्बसम्म निरन्तरता दिने भएको छ । एमनके३, एस३० र एस७० प्रोमा २० हजार नगद छुट दिँदै आएकोमा यो सुविधालाई कम्पनीले दशैं र तिहार हुँदै छठसम्म निरन्तरता दिन लागेको हो ।

४ वर्षअघि नेपाल आएको लुयानलाई कम्पनीले ‘भ्यालू फर मनि’ स्कुटर का रुपमा बजार प्रवद्र्धन गर्दै आएको छ । लुयानका स्कुटर नेपाली बजारमा निकै राम्रो संख्यामा बिक्री भइरहेको कम्पनी स्रोतले जनाएको छ ।

कम्पनीका अनुसार लुयानको हाल देशभर १२ वटा सब डिलर रहेका छन् । यी सवै डिलरले स्कुटरको बिक्रीसंगै बिक्री पछिको सेवा समेत उपलब्ध गराउँदै आएका छन् । लुयान स्कूटरमा आयल कुल्ड हव मोटर र रन फ्ल्याट जस्ता विशेष फिचर उपलब्ध छन् । यी फिचर टु–ह्विलर सेग्मेन्टमै पहिलो भएको कम्पनिले दावी गरेको छ ।

आयल कुल्ड हव मोटरमा हुने आयलको प्रयोग ले ३० प्रतिसतसम्म मोटरको तापक्रम कम गर्ने र मोटर को आयु बढाउनु का साथै पर्फमेन्स पनि राम्रो दिने कम्पनीको भनाई छ ।

लुयानको एमएनके३ मा दुईवटा ब्याट्री अप्सन दिइएको छ भने एस३० लिथियम फोस्फेट र एस७० प्रो ग्राफेन ब्याट्रीमा उपलब्ध छ । लुयानका यी स्कूटरमा एनएफसी सेन्सर को साथै प्रोजेक्टर हेडलाइट, एन्टिथेफ्ट अलार्म र किलेस इन्ट्रिको सुबिधा पाउन सकिन्छ ।