एलईभी–०१ किन्दा ८ लाखसम्म फाइदा , आयो फेस्टिभ अफर

काठमाडौं–एलएस अटोको नेपालका लागि आधिकारिक वितरक ब्लू कर्पोरेशनले ‘फेस्टिभ अफर’ ल्याएको छ । नजिकिँदै गरेको दशैं–तिहारलाई लक्षित गरी ल्याइएको यो अफरमा गाडी किन्दा न्यूनतम डाउन पेमेन्टको सुविधादेखि उपहार तथा नगदमा भारी छुट पाइनेछ ।

अफरअन्तर्गत एलएस अटको नयाँ ईभी किन्दा ८ लाखसम्मको लाभ लिन सकिने कम्पनीका महाप्रबन्धक नविन फुयाँलले जानकारी दिए । कम्पनीले बिक्री गर्दै आएको ‘एलईभी–०१’ गाडीलाई ग्राहकहरूले यो अफर अन्तर्गत केवल २० प्रतिशतको डाउन पेमेन्टमा घर लैजान सक्नेछन् ।

फुयाँलका अनुसार, दशैं–तिहारमा गाडी खरिद गर्ने सोच बनाएका ग्राहकहरूका लागि यो निकै उपयुक्त अफर हो । ‘यस अफर अन्तर्गत गाडी किन्ने ग्राहकका जोडिले निःशुल्क ५ रात ६ दिनको सिङ्गापुर र मलेसिया घुम्ने अवसर प्राप्त गर्ने छन्’ उनले भने ।

यस्तै, फेस्टिभ अफरमा कम्पनीले १ लाख नगद छुट, १ लाख एक्सचेञ्ज बोनस, निःशुल्क बीमा र १० किलो क्षमताको वासिङ मेसिन निःशुल्क प्रदान गर्नेछ ।

यो अफर सीमित समयको लागि मात्र रहेको जानकारी दिँदै इच्छुक ग्राहकहरूलाई नजिकको शोरुमा सम्पर्क गरी यसको लाभ लिन कम्पनीले आह्वान गरेको छ ।