हुन्डाई क्रेटा र किया सेल्टोको बजारमा जिपको नजर : चाँडै कम मूल्यको एसयूभी लन्च गर्ने

हुन्डाई क्रेटा र किया सेल्टोस हाल बजारमा निकै नै लोकप्रिय एसयूभी हुन् । यी दुवै एसयूभीसँग प्रतिस्पर्धा गर्न जिपले चाँडै नै नयाँ एसयूभी लन्च गर्ने सम्भावना छ । रिपोर्टका अनुसार जिपको नयाँ एसयूभीको मूल्य निकै कम हुनेछ । जिप इन्डियाले २०२१ मा स्थानीय रुपमा एसेम्बल गरेको -याङलर लन्च गरेको थियो भने हालै कम्पनीले ग्रान्ड चेरोकी लन्च गरेको छ ।

जिप ग्रान्ड चेरोकी स्थानीय रुपमा एसेम्बल गरेको पाँचौ जेनेरेसन मोडल हो । कम्पनीले मे २०२२ मा जिप मेरिडियन फुल साइज ७ सिटर एसयूभी लन्च गरेको थियो । जसको मूल्य २९ लाख ९० हजार देखि ३६ लाख ९५ हजार भारु रहेको छ ।

जिपले अर्काे वर्ष पनि आफ्नो उत्पादन बढाउने तयारी गरिरहेको छ । कम्पनीको एसयूभी बिक्रीमा हरेक वर्ष १३० प्रतिशतले बृद्धि भइरहेको जानकारी दिइएको छ ।

हाल जिपले बजारमा कम्पास, मेरिडियन, -याङलर र ग्रान्ड चेरोकी बिक्री गरिरहेको छ । २०२३ मा जिपको आम्दानीमा २० प्रतिशतको बृद्धि हुने अपेक्षा गरिएको छ । यद्यपि कम्पनीले अर्काे वर्षको आफ्नो पोर्टफोलियोको बारेमा जानकारी दिएको छैन ।

रिपोर्टका अनुसार कम्पनीले चाँडै नै जिप एभेन्जर जस्तो मिड साइजको एसयूभी लन्च गर्ने सम्भावना छ । यो सीएमपी प्लेटफर्ममा आधारित हुनेछ । यसमा १.२ लिटर टर्बाेचाज्र्ड पेट्रोल इन्जिन जडान गरिनेछ । जसले लगभग १०० बीएचपीको पावर जेनेरेट गर्नेछ ।