इनड्राइभ विश्व आर्थिक मञ्चको ‘युनिकोर्न कम्युनिटी’मा आबद्ध, नेपालसहित विश्वभर न्यायोचित प्रविधिको प्रवर्द्धन गर्ने लक्ष्य

काठमाडौँ -  ग्लोबल मोबिलिटी तथा डेलिभरी प्लेटफर्म इनड्राइभ, विश्व आर्थिक मञ्च (वर्ल्ड इकोनोमी फोरम) को ‘युनिकोर्न कम्युनिटी’मा सामेल भएको छ।

सो समुदाय तीव्र गतिमा वृद्धि भइरहेका त्यस्ता कम्पनीको एउटा विशेष समूह हो, जसले नवप्रवर्तन र सकारात्मक विश्वव्यापी प्रभावका लागि काम गरिरहेका छन्।

नेपालका विभिन्न सहरहरूमा आफ्नो उपस्थिति बलियो बनाउँदै गएको इनड्राइभले प्रविधिलाई मानिसहरूका लागि अझ बढी न्यायोचित बनाउँदै डिजिटल अर्थतन्त्रलाई आकार दिन मद्दत गरिरहेको छ। पारदर्शिता, छनोटको स्वतन्त्रता र सरोकारवालाहरूको हितलाई सन्तुलनमा राखेर नै प्राविधिक कम्पनीहरू सफल हुन सक्छन् भन्ने मान्यतामा इनड्राइभ अडिग छ।

 ‘युनिकोर्न कम्युनिटी’मा इनड्राइभको सहभागिताले सेवाहरूमा समान पहुँच र आर्थिक अवसरहरूको विस्तारमा केन्द्रित रहनेछ। यसले आफ्नो ‘ह्युमन-सेन्ट्रिक’ प्लेटफर्म मोडलमार्फत डिजिटल बजारमा सिधा मूल्य वार्ता (डाइरेक्ट प्राइस नेगोशिएसन) र पारदर्शितालाई बढावा दिइरहेको छ।

यसका साथै कम्पनीले नाफारहित पहलहरूमार्फत महिला उद्यमशीलता, शिक्षा र कला जस्ता क्षेत्रमा पनि योगदान पुर्‍याउँदै आएको छ।

इनड्राइभका संस्थापक तथा सीईओ आर्सने टोम्स्कीले यस कोसेढुङ्गाबारे बोल्दै भने, “विश्व आर्थिक मञ्चको युनिकोर्न कम्युनिटीमा आबद्ध हुनु इनड्राइभका लागि एक महत्त्वपूर्ण उपलब्धि हो। हाम्रो लक्ष्य सधैं मानिसहरूलाई आफ्ना छनोटहरूमा बढी नियन्त्रण दिएर अन्यायलाई चुनौती दिनु रहेको छ। हामी विशेष गरी द्रुत रूपमा बढिरहेका र कम सेवा पुगेका बजारहरूमा थप समावेशी, पारदर्शी र समतामूलक डिजिटल अर्थतन्त्र निर्माणका लागि मञ्चको संवादमा योगदान दिन तत्पर छौँ।”

हाल विश्वका ४८ देशका १,००० भन्दा बढी सहरहरूमा सञ्चालित इनड्राइभ विश्वमै सबैभन्दा बढी डाउनलोड गरिएका मोबिलिटी एपहरूमध्ये एक हो।

यसको ‘पियर-टु-पियर’ मूल्य निर्धारण मोडलले यात्रु र चालकलाई आपसी सहमतिमा भाडा तय गर्ने सुविधा दिन्छ, जसले गर्दा सेवा प्रदायकहरूका लागि उचित आम्दानी र प्रयोगकर्ताका लागि सहज पहुँच सुनिश्चित हुन्छ।

नेपालमा इनड्राइभले चालक-साझेदारहरूलाई पारदर्शी मूल्य निर्धारणमार्फत सशक्त बनाउँदै सहरी तथा अर्ध-सहरी क्षेत्रका प्रयोगकर्ताहरूलाई सुलभ यात्राको विकल्प प्रदान गरिरहेको छ।

यस समुदायमार्फत इनड्राइभले विश्वव्यापी नेताहरूसँग मिलेर सहरी गतिशीलता र आर्थिक समावेशीकरणका नयाँ उपायहरू खोज्नेछ र नेपाल जस्ता उदीयमान बजारका अनुभवहरूलाई विश्वव्यापी मञ्चमा प्रस्तुत गर्नेछ।