फ्युचरिस्टिक लुक र टप क्लास फिचरमा आयो हुन्डाई आयोनिक ५ ईभी

हुन्डाईले आफ्नो प्रिमियम इलेक्ट्रिक एसयूभी आयोनिक ५ को नयाँ फेसलिफ्ट भर्सन पेश गरेको छ । नयाँ अवतारमा आएको २०२६ मोडलले डिजाइन, प्रविधि, रेन्ज र सेफ्टी पक्षमा महत्वपूर्ण सुधार गरेको छ ।

डिजाइनका हिसाबले नयाँ मोडलले आफ्नो पहिचान कायम राख्दै थप आधुनिक र बलियो रूप पाएको छ । कम्पनीले आफ्नो सिग्नेचर प्यारामेट्रिक पिक्सेल डिजाइनलाई निरन्तरता दिँदै अगाडि र पछाडिको बम्पर रिडिजाइन गरेको छ। साथै यसमा स्किड प्लेट, नयाँ स्पोर्टी अलोय ह्विल र नयाँ रियर स्पोइलर जडान गरिएको छ ।

यसको इन्टेरियरमा पनि उल्लेखनीय परिवर्तन गरिएको छ। यसमा नयाँ थ्री स्पोक स्टेयरिङ ह्विल, सेन्टर फेसिया र दुईवटा १२.३ इन्च स्क्रिन, इन्फोटेनमेन्ट र इन्स्ट्रयुमेन्ट क्लस्टर, स्मार्ट कनेक्टिभिटी, वायरलेस स्मार्टफोन कनेक्टिभिटी, ओभर द एयर अपडेट सिस्टम, पार्किङ कोलिजन अभाेइडेन्स सिस्टम, साइड पार्किङ वार्निङ र रिमोट इमोबिलाइजेसन जस्ता फिचर रहेको छ ।

नयाँ आयोनिकमा ८४ किलोवाट आवरको ठुलो ब्याट्री प्याक प्रयोग गरिएको छ, जुन अघिल्लो मोडलको भन्दा ठुलो हो । यसले एकपटक फुल चार्जमा करिब ६९० किलोमिटरसम्म यात्रा गर्न सक्षम छ  साथै, ३५० किलोवाट डीसी फास्ट चार्जिङ प्रविधिले छोटो समयमा नै गाडी चार्ज गर्न सम्भव बनाएको छ ।

नयाँ आयोनिक ५ फेसलिफ्टको मूल्य करिब ५५ लाख ७० हजार भारु राखिएको छ ।