२०७७ चैत ३० सोमबार,

हुन्डाई पहिलो पटक विश्वका टप ५ अटोमोटिभ ब्रान्डमा पर्न सफल

Post adv

हुन्डाई मोटर कम्पनी विश्वका अटोमोटिभ ब्रान्ड मध्ये टप ५ मा पर्न सफल भएको छ । कम्पनीको ग्लोबल ब्रान्ड भ्याल्यु बढ्दै गएर यो वर्ष सो स्थान हासिल गर्न सफल भएको हो । ब्रान्ड कन्सल्टिङ फर्म इन्टरब्रान्डले प्रकाशित गर्ने ‘बेस्ट ग्लोबल ब्रान्ड्स २०२०’ अनुसार हुन्डाईले सो स्थान हासिल गरेको हो ।

सर्वेक्षणका अनुसार हुन्डाईको ग्लोबल ब्रान्ड भ्याल्यु यो वर्ष १ प्रतिशत बढेर १४.३ बिलियन डलर पुगेको छ । त्यसैगरी समग्रमा यसको ब्रान्ड भ्याल्यु ३६औं नम्बर पुगेको छ । कोभिड–१९ प्यान्डेमिकको अवस्थामा पनि हुन्डाईको ब्रान्ड भ्याल्यु यसरी बढ्न पुगेको छ ।

इन्टरब्रान्डले प्रकाशित गर्ने टप ४० ग्लोबल कम्पनीमा हुन्डाई लगातार ६ वर्ष सम्म रहन सफल भएको छ । पहिलो पटक सन् २००५ मा टप १०० कम्पनीमा पर्न सफल हुन्डाई त्यस यता लगातार १५ वर्ष सम्म टप १०० मा पर्न सफल भएको छ ।

हुन्डाईले हाल इलेक्ट्रिक मोबिलिटी र हाइड्रोजन फ्युल सेल टेक्नोलोजीको क्षेत्रमा समेत विभिन्न योजना बनाएको छ । इलेक्ट्रिक मोबिलिटीका लागि ईभी ब्रान्ड आयोनिकमार्फत आगामी ४ वर्ष भित्रमा ३ नयाँ मोडल बजारमा ल्याउने घोषणा गरेको छ । त्यसैगरी विश्वकै पहिलो मास–प्रोड्यस्ड फ्युल सेल हेभी ड्युटी ट्रक स्विट्जरल्यान्डका ७ जना ग्राहकलाई हस्तान्तरण गरिएको छ र यो वर्ष यस्ता ५० ट्रक सडकमा गुड्ने बताइएको छ । क्लिन मोबिलिटीका लागि आगामी दिनमा यस्ता धेरै गाडी विश्वका विभिन्न भागमा उपलब्ध गराउने कम्पनीको भनाइ छ ।

त्यसैगरी अर्वान एयर मोबिलिटी बिजनेसको रुपमा रोबोटिक्स, अटोनोमस ड्राइभिङ टेक्नोलोजी र अन्य फ्युचर मोबिलिटी बिजनेसको क्षेत्रमा यसले धेरै कार्य गर्ने योजना बनाएको छ । कोभिड–१९ को समयमा अनलाइन च्यानलमार्फत सवारी साधन बिक्री समेत बढाइरहेको छ ।

यी सबैका कारण हुन्डाईको ब्रान्ड भ्याल्यु बढ्न सफल भएको हुन्डाई मोटर कम्पनीका ग्लोबल चिफ मार्केटिङ अफिसर वोनहोङ चोले बताएका छन् । उनको कुरामा सहमत जनाउदै इन्टरब्रान्ड ब्रान्ड भ्याल्यु ग्लोबल डाइरेक्टर माइक रोचाले समेत फ्युचर मोबिलिटी बिजनेस र इलेक्ट्रिक भेइकल ब्रान्ड आयोनिकको घोषणा तथा अन्य विभिन्न कारणले हुन्डाईको ब्रान्ड भ्याल्यु बढ्न पुगेको बताएका छन् ।

Advertise Eleven Advertise Ten Advertise Nine

इन्टरब्रान्डले प्रकाशित गरेको सूची अनुसार सबैभन्दा टप अर्थात नम्बर वानमा पर्न सफल अटोमोटिभ ब्रान्ड टोयोटा बनेको छ । यसको ब्रान्ड भ्याल्यु ५१.६ बिलियन छ । त्यसैगरी दोस्रो, तेस्रो र चौथो नम्बरमा क्रमशः मर्सिडिज बेन्ज, बीएमडब्ल्यु र होन्डा परेका छन् । यी कम्पनीको ब्रान्ड भ्याल्यु क्रमशः ४९.३ बिलियन, ३९.७६ बिलियन र २१.७ बिलियन छ ।

छैटौं देखि दशौं नम्बर सम्म क्रमशः टेस्ला, फोर्ड, औडी, फक्सवागन र पोर्श परेका छन् ।

कम्पनीको हालको आर्थिक र व्यावसायिक अवस्था तथा भविष्यको योजना र आम्दानी समेतलाई दृष्टिगत गरी इन्टरब्रान्डले विभिन्न कम्पनीको ब्रान्ड भ्याल्यु निकाल्ने गर्छ ।

 

Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...