२०७८ जेठ ४ मंगलबार,

दसैंमा आउन नसकेको बाइक हिरो एक्सट्रिम १६०आरको प्रतीक्षा

काठमाडौं – यस वर्षको दसैंमा नेपाली बजारमा आउने आशा गरिएको बाइक आउन सकेन । धेरै नेपाली राइडरहरुले यो बाइकको प्रतीक्षा गरिरहेका छन् ।

नेपालका लागि हिरो मोटोकर्पको आधिकारिक वितरक नेपाल जनरल मार्केटिङ प्रालिले फेस्टिभ सिजन भन्दा पहिले नै यो बाइक नेपाली बजारमा आउने बताए पनि आउन सकेन । नेपाल जनरल मार्केटिङ प्रालि स्रोतले छिट्टै नै यो बाइक नेपाली बजारमा उपलब्ध हुने बताएको छ ।

भारतमा हिरो एक्सट्रिम १६०आर फेब्रुअरी २०२० मा सार्वजनिक भएको थियो । यसको लन्चिङ मार्चमा हुनु पर्ने थियो तर कोरोना भाइरसको कारणले ढिला भएको थियो ।

एक्सट्रिम १६०आर हिरो मोटोकर्पको पहिलो १६० सीसीको बाइक हो । सो बाइकमा नयाँ फिचर अल एलईडी लाइटिङ र साइड स्ट्यान्डर्ड इन्जिन कट अफ जस्ता फिचर रहेको छ ।

हिरो एक्सट्रिम १६०आर मा १६३ सीसीको इन्जिन समावेश छ । जसले ८५०० आरपीएममा १५ एचपीको पावर र ६५०० आरपीएममा १४ एनएमको टर्क जेनेरेट गर्छ । सो बाइकले मात्र ४.७ सेकेन्डमा ० देखि ६० किलोमिटर प्रति घन्टाको स्पिड लिने कम्पनीको दावी रहेको छ । सो सेगमेन्टको हिसाबले तीव्र गति हो ।

हिरोको सो नयाँ बाइक डायमन्ड फ्रेम चेसिसमा आधारित रहेको छ । जसको कुल वजन १३८.५ किलोग्राम रहेको छ । यो सेगमेन्टमा सो बाइक हल्का बाइक हो । सो बाइकको फ्रन्टमा ३७ एमएम टेलेस्कोपिक फोर्क्स र रियरमा ७ स्टेप एड्जस्टेबल मोनोशक सस्पेन्शन समावेश गरेको छ । सो बाइकको फ्रन्टमा २७६ एमएम डिस्क ब्रेक रहेको छ । ड्युअल डिस्क भेरिएन्टमा रियरमा २२० एमएम डिस्क ब्रेक र सिंगल डिस्क भेरिएन्टको रियरमा १३० एमएम ड्रम ब्रेक रहेको छ । यसको ग्राउन्ड क्लियरेन्स १६५ एमएम रहेको छ ।

सो बाइक यो सेगमेन्टमा शार्प लुक भएको बाइक हो । शार्प लाइन्स र एजको साथमा बाइक स्पोर्टी देखिन्छ ।

हिरो एक्सट्रिम १६०आर सिंगल डिस्क र डबल डिस्क गरी दुई भेरिएन्टमा उपलब्ध रहेको छ । नेपाली बजारमा यो बाइकको मूल्य अन्य प्रतिस्पर्धि भन्दा सस्तो हुने कम्पनी स्रोतले बताएको छ । सो बाइकले टीभीएस अपाचे आरटीआर १६० ४भी, बजाज पल्सर एनएस१६०, सुजुकी जिक्सर र यामाहा एफजेडआई एफआईसँग प्रतिस्पर्धा गर्नेछ ।

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...