फेसलिफ्ट लन्च हुने मिति नजिकिएपछि स्कोडाले कुशाकमा दियो भारी छुट

स्कोडाले आफ्नो लोकप्रिय एसयूभी कुशाकमा भारी छुट दिएको छ । एसयूभीको फेसलिफ्ट भर्सन लन्च हुने मिति नजिकिएसँगै कम्पनीले कुशाकमा ३ लाख २५ हजार भारु बराबरको फाइदा दिएको हो । जसमा ५० हजार भारु एक्सचेन्ज वोनस, २ लाख भारु नगद छुट र बाँकी विविधि सुबिधा सामेल छन् ।

कुशाक फेसलिफ्टमा कस्मेटिक अपडेट मात्र नभई नयाँ सुविधाहरू पनि हुने कारण यो वहुप्रतिक्षित बनिरहेको छ । स्कोडाका अनुसार सो फेसलिफ्ट भर्सनमा सेग्मेन्टमै पहिलोपटपक मसाज फंक्सन सहितको रियर सिट पाइनेछ ।

त्यसैगरी, एसयूभीमा परिमार्जित ग्राफिक्स सहितको प्यानोरामिक सनरुफ र डिजिटल इन्स्ट्रयुमेन्ट क्लस्टर पनि उपलब्ध हुनेछ । साथै यसमा लेभल–२ एडास फिचर समेत उपलब्ध हुने अनुमान गरिएको छ ।

पावरट्रेनको कुरा गर्नुपर्दा यसमा पहिलेकै १.० लिटर र १.५ लिटर टर्बो–पेट्रोल इन्जिन जडान हुनेछ । एसयूभीमा ६ स्पिड म्यानुअल, ६ स्पिड अटोमेटिक र ७ स्पिड डीएसजी ट्रान्समिसन समावेश हुनेछ ।

कुशाक नेपाली बजारमा समेत उपलब्ध रहँदै आएको सब–कम्प्याक्सट एसयूभी हो । भारतीय बजारमा यसको फेसलिफ्ट भर्सन लन्च भएपछि यसले नेपाली बजारमा समेत प्रवेश पाउनेछ । विभिन्न ७ भेरिएन्टमा उपलब्ध यस एसयूभीको मूल्य नेपाली बजारमा ५४ लाख ९० हजारदेखि ८२ लाख ९० हजार रुपैयाँसम्म पर्छ ।