नेपाली बजारमा फोटोनका स्कुल भ्यान, यस्ता छन् आकर्षक फिचर

काठमाडौं – फोटोन मोटर्सको नेपालका लागि आधिकारिक विक्रेता एमएडब्लु वृद्धि कमर्सियल भेइकल प्रालिले फोटोन मोटर्सको लक्जरी श्रेणीको १५, १६ र १९ सिटर स्कुल भ्यान नेपाली बजारमा ल्याएको छ । आईएसएफ क्युमिन्स इन्जिनयुक्त स्कुल भ्यानमा एउटै इन्जिनबाट चल्ने एयर कन्डिसन रहेको छ ।

उच्च कार्यक्षमता र आरामदायी यात्राको ग्यारेन्टी गर्ने यो स्कुल भ्यान सुरक्षाको दृष्टिकोणले पनि सर्वोत्कृष्ट रहेको कम्पनीले जनाएको छ । विद्यार्थीलाई सुविधा सम्पन्न र आरामदायी बस उपलब्ध गराउन चाहने विद्यालयलाई लक्षित गरि नेपाली बजारमा ल्याइएको स्कुल भ्यानमा विशेष प्रकारको सुविधा रहेका छन् । साथै विद्यालय र विद्यार्थीको सुविधालाई ध्यानमा राखेर अन्य एसेसरिज पनि थप्न सकिने कम्पनीले जनाएको छ ।

आधुनिक ड्यासबोर्ड रहेको स्कुल भ्यानमा हरेक सिटमा एसी भेन्ट र सिट बेल्ट रहेको छ । भ्यानमा आरामदायी सेमी रिक्लाइनिङ सिट रहेका छन् भने सुरक्षालाई ध्यानमा राख्दै एयरब्याग पनि रहेको छ ।

भ्यानमा सामान राख्नको लागि पर्याप्त ठाउँको साथै ब्याग समेत राखेर आरामसँग बस्न मिल्ने व्यवस्था रहेको कम्पनीले जनाएको छ । कम्पनीले नेपालभर १० वटा भन्दा बढी सेवा केन्द्रमार्फत सेवा प्रदान गर्दै आएको बताएको छ ।