यस्तो हुनेछ रोयल इन्फिल्डको इलेक्ट्रिक बाइक, फर्स्ट लुक सार्वजनिक

रोयल इन्फिल्डले आफ्नो पहिलो इलेक्ट्रिक बाइकको फर्स्ट लुक सार्वजनिक गरेको छ । सो बाइक अर्काे वर्ष लन्च गरिने सम्भावना छ । सो इलेक्ट्रिक बाइकको नाम अहिले ’इलेक्ट्रिक०१’ राखिएको छ ।

रोयल इन्फिल्डको सो इलेक्ट्रिक बाइकमा गर्डर फोर्कसहितको नियो–रेट्रो डिजाइन देख्न सकिन्छ । इलेक्ट्रिक बाइक भए पनि यसमा इन्धन ट्यांकी हुनेछ । यसमा सामान राख्न मिल्ने अनुमान गरिएको छ । यो बाइकमा क्लासिकल राउण्ड हेडलाइट, अलोय ह्विल र युनिक च्यासिस पनि छ ।

रोयल इन्फिल्ड इलेक्ट्रिक०१ अझै अवधारणाको चरणमा छ । रोयल इन्फिल्डले आफ्ना उत्पादनहरूको परीक्षण गर्न धेरै समय लगाउने गरेको छ, जसका कारण सो ईभी बाइक आगामी वर्षको अन्त्यसम्ममा लन्च गर्ने अपेक्षा गरिएको छ ।

हाल, रोयल इन्फिल्ड भारतमा नयाँ सुपर मेटियर ६५० क्रुजर बाइक लन्च गर्ने तयारीमा छ । कम्पनीले सो बाइकको लागि प्रि–बुकिङ सुरु गरिसकेको छ र जनवरीदेखि डेलिभरी सुरु हुनेछ ।