लिक्विड कुल्ड व्याट्री, गियर वक्स र एविएस भएको पहिलो इलेक्ट्रिक मोटरसाइकल सार्वजनिक

भारतको इभी स्टार्टअप कम्पनी मेटरले नयाँ इलेक्ट्रिक मोटरसाइकल सार्वजनिक गरेको छ । इलेक्ट्रिक मोटरसाइकलमा पहिलोपटक गियर वक्स जडान गरिएको यो नयाँ मोटरसाइकलमा लिक्विड कुल्ड व्याट्री र एबिएस समेत दिइएको छ । जुन इलेक्ट्रिक मोटरसाइकलका लागि ‘फस्र्ट इन क्लास’ फिचर रहेको उसको दावी छ । मेटरले अवको केही समयपछि यसको मूल्य सार्वजनिक गर्ने र संगसंगै वुकिङ पनि खुल्ला गर्ने जनाएको छ ।

यो नयाँ मोटरसाइकलमा ५ किलोवाट क्षमताको आइपी ६७ रेटेड लिक्विड कुल्ड व्याट्री जडान गरिएको छ भने मोटरको क्षमता १०.५ किलोवाट रहेको छ । यसलाई एकपटक फुल चार्ज गर्दा १५० किलोमिटरसम्म रेन्ज पाउन सकिने कम्पनीको दावी छ । ५ घण्टामा ५ एम्पिएरको सामन्य प्लगबाटै यसलाई फुल चार्ज गर्न सकिन्छ ।

डुअल च्यानल एबिएस समेत दिइएको यसमा ७ इन्चको टच स्क्रिन एलइइडी डिस्प्ले रहेको छ । जहाँ नेभिगेसन, नोटिफिकेसन अलर्ट र म्यूजिक प्लेको सुविधा समेल गरिएको छ । जसलाई ह्यान्डलबारमा दिइएको स्विच गियरमार्फत कन्ट्रोल गर्न सकिन्छ । चावी वेगरनै स्टार्ट गर्न सकिने यो मोटरसाइकलको ट्यांक मुनि ५ लिटरको ग्लोभ वक्स र चार्जिङ सकेट उपलब्ध छ ।

परम्परागत न्यकेड स्ट्रिट फाइटरको डिजाइनमा आधारित यो नयाँ मोटरसाइकल ३ भेरियन्टमा उपलब्ध हुने जनाइएको छ ।