ईभीमा कर यथावत राखेर ठीक गरेँ : अर्थमन्त्री पौडेल

काठमाडौं–अर्थमन्त्री विष्णुप्रसाद पौडेलले आफूले विद्युतीय सवारीसाधनको कर यथावत राखेर ठीक गरेको बताएका छन् ।

शुक्रबार मन्त्रालयमा आयोजित बजेटबारेको अन्तक्र्रियामा उनले ईभीमा कर नबढाएर सही निर्णय गरेको बताएका हुन् । उनले भने, ‘ईभीमा कर नबढाएर ठीक गरेँ भन्ने लाग्छ ।’

व्यवसायीले सरकारले नयाँ बजेटमार्फत ईभीको कर बढ्न सक्ने भन्दै आयात तीव्र पारेका थिए । तर उनीहरुले सोचेजस्तो नभएर ईभीको कर यथावत नै राखिएको छ ।

उनले ईभी सवारी साधनको प्रयोगलाई वृद्धि गर्नेको लागि स्थिर नीतिको आवश्यक रहेको सङ्केत गरे । अर्थमन्त्री पौडेलले ईभीमा कर वृद्धि हुने भन्दै बजेटअघि ईभी सवारी साधनको आयात धेरै भएको थियो । तर व्यवसायीको सोच भन्दा फरक गरी ईभी सवारीको करलाई सरकारले यथावत् राखेको छ ।

बजेटमार्फत केही नीतिगत सुधारका विषय अघि सारिएको अर्थमन्त्री पौडेलको भनाइ छ । आर्थिक विकास र समृद्धिका लागि वैकल्पिक वित्तमार्फत स्रोत परिचालन गर्ने नीति लिइएको उनले बताए ।