फोटोन मोटर्सको विश्व स्तरीय एम्बुलेन्स अब नेपालमा, यस्तो छ विशेषता

काठमाडौं – फोटोनको नेपालका लागि आधिकारिक वितरक एमएडब्लु वृद्धि कमर्सियल भेइकल्स प्रालिले फोटोनको विश्वस्तरीय टुनल्याण्ड एम्बुलेन्स नेपाली बजारमा बिक्री सुरु गरेको छ । उक्त एम्बुलेन्स नेपाल सरकार स्वास्थ्य मन्त्रालयले तोकेको मापदण्ड बमोजिमको भएको कम्पनीको भनाइ छ ।

सन् १९९६ मा चीनमा स्थापना भएको फोटोनले ठूला ट्रक, साना मझौला ट्रक, पिकअप, बस र निर्माण उपकरणहरु उत्पादन गर्दै आएको छ । यस्तोमा कम्पनीले उत्पादन गरेको टुनल्याण्ड एम्बुलेन्स नेपालमा बिक्री सुरु गरेको हो ।

नेपाल सरकार स्वास्थ्य मन्त्रालयको निर्देशिका बमोजिम क्याटगोरी A र B मा उपलब्ध गराएको कम्पनीका सेल्स हेड नविन आचार्यले जानकारी दिएका छन् ।

जर्मन अटो जाइन्ट डेमलरसँगको सहकार्यमा फोटोनले ठूला सवारी उत्पादन गर्दै आएको छ भने इन्जिनको लागि कमिन्ससँग सहकार्य गरेको छ । यसले डिजेल इन्जिनमा फोटोनका गाडीहरु निकै शक्तिशाली रहेका छन् ।

यस्तो छ टुनल्यान्ड एम्बुलेन्स
राष्ट्रिय एम्बुलेन्स निर्देशिका २०७८ अनुसार अब फोर ह्विल ड्राइभ, पावर स्टेयरिङ, सस्पेन्सन चेन सिस्टमको एम्बुलेन्स मात्र संचालन गर्न पाउनेछन्, त्यसमा टुनल्यान्ड एम्बुलेन्स सबै मापदण्ड पुरा गर्ने कम्पनीले जनाएको छ । एम्बुलेन्स भित्र एउटा विरामीका लागि आवश्यक सम्पूर्ण मेडिकल पूर्वाधारहरु उपलब्ध रहेको र जसका कारण बिरामीलाई अस्पताल लैजाँदा वा ल्याउँदा निकै सहज हुने कम्पनीले बताएको छ । साथै अस्पतालहरुको आवश्यकताअनुसार एम्बुलेन्समा आवश्यक थप पूर्वाधारसहित सुविधायुक्त बनाउन समेत सकिने कम्पनीले बताएको छ ।

टुनल्यान्ड एम्बुलेन्समा २.८ लिटर क्षमताको डिजेल इन्जिन दिइएको छ । उक्त इन्जिनले १२० किलोवाट पावर प्रदान गर्ने छ भने अधिकतम टर्क ३६० एनएम रहेको छ । फोर बाई फोर सिस्टम जडान भएको यो पिकअप विश्वका १४० भन्दा बढी देशमा बिक्री वितरण हुँदै आएको छ । यसमा २१० एमएमको ग्राउन्ड क्लियरेन्स पाउन सकिन्छ । अधिकत १५० किलोमिटर प्रतिघन्टाको रफ्तारमा कुद्न सक्ने यो पिकअपमा ५ स्पिड म्यानुअल गियरबक्स दिइएको छ ।