आइशरको सर्भिस क्याम्प सुरु, यस्ता छन् छुट र सुविधा

काठमाडौं– आइशर कमर्सियल भेहिकलको नेपालका लागि आधिकारिक विक्रेता बतास एमएडब्लू कमर्सियल भेहिकलले देशभरका १६ वटा सेवा केन्द्रमा सर्भिस क्याम्प आयोजना गरेको छ । आजदेखी शुरु भएको सो क्याम्प ४ दिनसम्म चल्ने कम्पनीले जनाएको छ ।

कम्पनीका अनुसार काठमाडौं उपत्यकामा जगाती र सतुंगलबाट ग्राहकहरूले सेवा लिन सक्नेछन् भने उपत्यका बाहिर बिर्तामोड, इटहरी, जनकपुर, बिरगन्ज, हेटौंडा, दाङ, नेपालगञ्ज, सुर्खेत, धनगडीमध्ये आफूलाई पायक पर्ने स्थानबाट ग्राहकहरूले सेवालिन सक्नेछन् । त्यसैगरी डिलर मार्फत् पोखरा, बुटवल, नारायणगढ, नौबिसे, त्रिशुलीबाट पनि ग्राहकले सेवालिन सक्नेछन् ।

४ दिनसम्म चल्ने सो क्याम्पमा आइशरका ५०० भन्दा बढी व्यवसायिक गाडीहरुको अत्यन्त प्रभावकारी ढंगले जाँच एवम् मर्मत सम्भार गरिने जनाइएको छ । गाडीको मर्मत सम्भार गराउँदा ग्राहकले स्पेयर्स पार्ट्समा १०%, लुब्रिकेन्ट्समा १५%, विशेष मर्मतमा २५% सम्मको छुट प्राप्त गर्न सकिनेछ । यसैगरी नियमित मर्मत सम्भार, ड्राइभर ट्रेनिंग, ब्याट्री तथा वायरिंग चेक–अप निशुल्क रुपमा पाउनुका साथै अन्य थुप्रै सुविधाहरु पनि प्राप्त गर्न सकिनेछ ।

आइशर कमर्सियल भेहिकलका सर्भिस–जनरल म्यानेजर शरद कुमार मिश्रका अनुसार बदलिँदो मौसमसँगै गाडीमा आइपर्ने विभिन्न समस्याहरूको समाधान गरी ग्राहकहरुलाई उत्कृष्ट सेवा प्रदान गर्ने मुख्य उद्देश्यसहित कम्पनीले सर्भिस क्याम्पको आयोजना गरेको हो ।

‘भोल्भो र आइशरको संयुक्त परियोजनामा विविध मूल्य र प्रयोजनका लागि नवीन प्रविधिका उत्पादनहरू उत्पादन गर्दै आएका कारण नेपालसहित विश्व बजारमा आइशर ग्राहकको पहिलो रोजाई बन्दै आइरहेको छ’ उनले भने ।