आइशरले ल्यायो ‘सुनको बहार, बम्परमा कार’ उपहार योजना

काठमाडौं– आइशर गाडीको नेपालका लागि आधिकारिक वितरक बतास एमएडब्लुले दशैं तिहारमा आइशर गाडी खरिद गर्दा रोजेर उपहार लिन पाइने रमाइलो योजना ल्याएको छ । आफ्ना उपभोक्तासँग खुशी साटासाट गरि चाडपर्वको उत्सव मनाउँन कम्पनीले दशैं तिहार स्कीमको घोषणा गरेको हो ।

यस योजना अन्तर्गत आइशर बस, ट्रक तथा ट्रिपरकाको खरिदमा सुनको बहार, टुर प्याकेज, यामाहा बाइक र स्कुटर, सवारी साधनको फ्री सर्भिसिङ र स्पेयर पार्ट्स अथवा फ्री ईएमआई मध्येबाट ग्राहकहरुले रोजेर उपहार लिन पाउनेछन् । योजनाको अन्त्यमा बम्पर उपहार अन्तर्गत एकजना भाग्यमाशाली बिजेताले मिनी इभी कार पनि प्राप्त गर्नेछन् ।

यी बाहेक चालकलाई पाँच लाख र पच्चीस लाखको आकस्मिक बीमा, १ वर्षको सवारी बीमा तथा १ आर्थिक वर्षको सम्पूर्ण सडक करको सुविधा पनि आइशरले प्रदान गर्नेछ ।

आफूलाई माइलेजको बादशाह भन्ने आइशरले ७० भन्दा बढी देशहरूमा संयुक्त परियोजनामा बिबिध मूल्य र प्रयोजनका लागि नयाँ प्रविधिका साथ बिभिन्न उत्पादनहरू बजारमा उपलब्ध गराउदै आइरहेको छ ।