स्कोडा स्लाभिया डिजाइन स्केच सार्वजनिक, ग्लोबल लन्च आगामी नोभेम्बर १८ मा

स्कोडाले बजारमा ल्याउने तयारी गरिरहेको नयाँ सेडान स्कोडा स्लाभियाको स्केच सार्वजनिक गरेको छ । हाल बजारमा उपलब्ध स्कोडा -यापिडलाई प्रतिस्थापन गर्ने नयाँ एसयूभी आगामी नोभेम्बर १८ मा ग्लोबल डेब्यु गरिने छ ।

स्कोडा स्लाभिया एमक्युबी एओ आईएन प्लेटफर्ममा बन्ने दोस्रो कार हुनेछ । यो भन्दा पहिले बजारमा उपलब्ध स्कोडा कुशाक यही प्लेटफर्ममा आधारित छ । यसको मूल्य भने आगामी सन् २०२२ को मध्यतिर मात्रै सार्वजनिक हुने अनुमान गरिएको छ ।

स्केचका आधारमा स्कोडा स्लाभियाको एक्सटेरियर डिजाइनको वारेमा धेरै कुरा थाहा पाउन सकिन्छ । कारको लो फ्रन्ट इन्डमा फराकिलो हेक्सागोनल ग्रिलका साथै एल आकारको डे टाइम रनिङ लाइटसँगै स्लिक हेडलाइट रहेको छ । पछिल्लो भागमा स्लोपिङ रुफलाइन देख्न सकिन्छ । त्यसैगरी स्कोडाको सिग्नेचर सी–आकारको टेललाइट छ, जुन दुई भागमा विभाजन भएको छ र बुट सम्म फैलिएको छ ।

स्कोडा स्लाभियामा १.० लिटर र १.५ लिटर टीएसआई पेट्रोल इन्जिन गरी दुई इन्जिनको विकल्प हुनेछ । १.५ लिटर इन्जिनले १५० पीएसको पावर र २५० एनएम टर्क जेनेरेट गर्छ, जुन सेगमेन्टमै पावरफुल हुनेछ ।

स्कोडाले यो कारको फिचरको वारेमा जानकारी सार्वजनिक गरेको छैन । यद्यपि यसमा ६ एयरब्याग, डिजिटल इन्स्ट्रयुमेन्ट क्लस्टर, रियर पार्किङ क्यामेरा, क्रुज कन्ट्रोल र मल्टी–कोलिजन ब्रेक आदि उपलब्ध हुनेछन् । ।