सुधारिएको इन्जिन र ग्राफिक्स सहित उही मूल्यमा नेपाल आयो क्रसफायर ट्रेकर २५०

काठमाडौं – नेपाली बजारमा क्रसफायर ट्रेकर २५० मोटरसाइकलको नयाँ भर्सन भित्रिएको छ । नेपालका लागि आधिकारिक वितरक क्लासिक ह्विल एक्सपोर्ट एन्ड इम्पोर्टले सुधारिएको इन्जिन र ग्राफिक्स सहित सो मोटरसाइकल भित्र्याएको हो ।

इन्जिन सुधारिएका कारण मोटरसाइकल चलाउदा हल्लिएको अनुभव हुँदैन भने नयाँ ग्राफिक्सका कारण यसको लुक्स झनै आकर्षक बनेको छ ।

सो मोटरसाइकल हाल क्रसफायरले उपलब्ध गराइरहेको नयाँ वर्ष २०८० अन्तर्गतको अफरमा पनि लिन सकिन्छ । ग्राहकले नगदमै मोटरसाइकल किन्दा शुरुमा स्क्र्याच कार्ड पाउछन् र स्क्र्याच गर्दा न्यूनतम १० हजार देखि २५ हजार रुपैयाँ सम्म छुट पाउने सम्भावना हुन्छ । २५ हजार भन्दा कम छुट पाउने भए पछि कम्पनीको तर्फबाट विभिन्न एसेसरिज प्रदान गरिन्छ ।

त्यसैगरी ५० प्रतिशत डाउन पेमेन्ट गर्दा १२ महिना सम्म तिर्ने गरी बाँकी रकम शून्य प्रतिशत ब्याजदरमा तिर्न सकिने सुविधा उपलब्ध हुन्छ । त्यसैगरी १८ महिनामा तिर्न सकिने स्किममा समेत यो मोटरसाइकल लिन सकिन्छ ।

नयाँ ग्राफिक्स सहितको क्रसफायर ट्रेकर २५० को मूल्य ४ लाख १० हजार रुपैयाँ नै तोकिएको छ । नयाँ मोडल भए पनि यसको मूल्य परिवर्तन गरिएको छैन ।