क्रसफायरको काठमाडौं–दामन एड्भेन्चर राइड हुने

काठमाडौं– क्रसफायर बाइकको आधिकारिक वितरक क्लासिक ह्विल एक्सपोर्ट एन्ड इम्पोर्टले काठमाडौंदेखी मकवानपुरको दामनसम्म अफरोड एड्भेन्चर राइड आयोजना गर्ने भएको छ । पुष ६ र ७ गते आयोजना हुने सो राइडमा सहभागी हुन कम्पनीले राइडरमाझ आग्रह गरेको छ ।

राइड यस वर्षकै सबैभन्दा बढी साहसिक र अविष्मरणिय हुने कम्पनीले जनाएको छ । राइडमा सहभागी हुन ५ हजार शूल्क लाग्नेछ । इच्छुक राइडरले क्रसफायरको वेभसाइटमा गएर आफ्नो नाम दर्ता गर्न सक्नेछन् । कम्पनीले केही दिनअघि आफ्नो फेसबुक पेजमार्फत केही नयाँ गर्न खोजेको सन्देश दिएको थियो ।

क्रसफायर अफरोड र एड्भेन्चर यात्राका लागि परिचित ब्रान्ड हो । नेपाली बजारमा उपलब्ध विभिन्न मोडलका बाइक यस्तै कार्यमा विशेष रुचाइएका छन् । नेपालमा डर्ट अर्थात अफरोड बाइकको नाम लिंदा शुरुमै आइहाल्ने नाम हो क्रसफायर ।

सन् २०१३ मा क्लासिक ह्विल्स एक्सपोर्ट एन्ड इम्पोर्ट प्रालिले नेपाल भित्र्याएको अस्ट्रेलियन ब्रान्डको यो बाइक अहिले अधिकांश नेपाली युवाहरुको ड्रिम बाइक समेत बनेको छ ।