क्रसफायर र इटालिका मोटोमा नयाँ वर्ष अफर : बैशाख ३ सम्म छुट र फाइनान्स सुविधा

काठमाडौं – नेपाली बजारमा उपलब्ध क्रसफायर र इटालिका मोटोका बाइक तथा स्कुटरका लागि नयाँ वर्ष २०७८ को अफर उपलब्ध हुने भएको छ । यस अन्तर्गत क्रसफायर र इटालिका मोटो ब्रान्डका बाइक तथा स्कुटरमा छुटका साथै फाइनान्समा विविध अफर उपलब्ध छ ।

यी दुई ब्रान्डको नेपालका लागि आधिकारिक वितरक क्लासिक ह्विल इम्पोर्ट एन्ड एक्सपोर्टले ल्याएको अफर अनुसार जुनसुकै ब्रान्डका पुरानो बाइक वा स्कुटरसँग क्रसफायर र इटालिका मोटाका बाइक वा स्कुटर साट्न सकिने छ । पुरानो बाइक वा स्कुटरमा थप २० हजार रुपैयाँ मूल्यांकन गरिने छ । यसरी एक्सचेन्ज गर्न चाहनेका लागि फाइनान्सको समेत सुविधा उपलब्ध गराइने छ ।

नयाँ किन्न चाहनेका लागि १० हजार रुपैयाँ छुटको व्यवस्था छ । त्यसैगरी हालै बुकिङ खुलेको क्रसफायर एचजे २५० बुकिङ गर्दा ५ हजार रुपैयाँ छुट उपलब्ध हुनेछ ।

प्रत्येक बाइक वा स्कुटरको खरिदमा हेल्मेट निःशुल्क उपलब्ध हुनेछ ।