क्रसफायरको हरेक शनिबार एड्भेन्चर राइड

डर्ट बाइक सेग्मेन्टमा लोकप्रिय ब्रान्ड क्रसफायरले हरेक शनिबार एड्भेन्चर राइड गर्दै आएको छ । ‘स्याटर्डे स्केप’ नामले आयोजना हुँदै आएको सो राइड विभिन्न स्थानमा गरिँदै आएको हो ।

आधिकारिक विक्रेता कम्पनी क्लासिक ह्विल्स एक्सपोर्ट एण्ड इम्पोर्ट प्रालिका अनुसार यस प्रकारको राइड आयोजना हुँदा राइडरबीच भाइचाराको सम्वन्ध विकास हुन मद्दत पुगेको छ ।

मोटरसाइकलमा यात्रा गरेर प्राकृतिक सौन्दर्यमा रमाउँदै एड्भेन्चर राइडमा मज्जा लिन चाहनेहरुलाई लक्षित गरी आयोजना हुँदै आएको सो राइड क्रसफायर राइडरमाझ लोकप्रिय बनिरहेको छ । हरेक शनिबार फरकफरक गन्तव्यमा आयोजना हुने कारण नयाँ स्थानको पहिचान गर्न समेत उनीहरुलाई सहज भएको कम्पनीको भनाइ छ ।

‘हप्ताको ६ दिन आ–आफ्नो काममा व्यस्त रहने कारण सवैलाई फुर्सद हुने दिन पारेर हामीले हरेक शनिबार यस प्रकारको राइड आयोजना गर्दै आएका छौ । क्रसफायर भन्ने वित्तिकै एड्भेन्चर राइडका लागि उपयुक्त बाइक हो भन्ने राइडरमा परिसकेको छ । सो ब्रान्डको महत्व र यसमा पाइने असली पर्फमेन्सको अनुभूति गर्न पनि एड्भेन्चर राइडमा निस्कनै पर्ने हुन्छ । त्यसैले हामीले कम्तीमा पनि हप्ताको एकदिन सबै राइडरलाई समेटेर राइडमा जाने गरेका छौ’ कम्पनी स्रोतले नेपाल अटोसँग बताएको छ ।

राइडमा सहभागी भएर फर्किदा हरेक राइडरले फरक अनुभूति गर्ने र उनीहरुमाझ आ–आफ्नो अनुभव आदानप्रदान हुने कारण पनि यो राइडको महत्व वढ्दै गएको छ । यो राइडले क्रसफायर राइडरमाझ आत्मियता, भाइचारा र अनुभव सेयरिङको उचित प्लेटफर्मका रुपमा काम गरिरहेको कम्पनीको भनाइ छ ।