बीवाईडीले चार महिनामै कमायो १ अर्व २८ करोड डलर खुद नाफा, अन्य ब्रान्डको अवस्था के ?

चिनियाँ ईभी जायन्ट बीवाईडीले आर्थिक वर्ष २०२५ को पहिलो चार महिनामा उच्च नाफा कमाएको छ । कम्पनीले यस वर्षको पहिलो चार महिनामा १ अर्व २८ करोड डलर नाफा कमाएको हो ।

सो अवधीमा बीवाईडीको ग्रस प्रोफिट मार्जिन २०.७ प्रतिशत छ । जवकी टेस्लाले उक्त अबधीमा जम्मा १६.३ प्रतिशतमात्रै ग्रस प्रोफिट मार्जिन हाँसिल गरेको छ ।

बीवाईडीपछि दोस्रो धेरै नाफा कमाउने ब्रान्डमा जिली दर्ज भएको छ । जिलीले चालु आर्थिक वर्षको पहिलो चार महिनामा ७९.१ करोड डलर नाफा आर्जन गर्दा उसको ग्रस प्रोफिट मार्जिन १५.७८ प्रतिशत पुगेको छ ।

वर्ष २०२५ को पहिलो चौमासिकमा एसएआईसी ४२.२ करोड डलरसहित तेस्रो धेरै नाफा कमाउने ईभी ब्रान्ड बनेको छ । यस अवधिमा उसको ग्रस प्रोफिट मार्जिन ८.१३ प्रतिशत पुगेको छ भने चौथो स्थानमा ग्रेटवाल मोटर्स छ ।

यसैगरी, सर्बाधिक नाफा कमाउने ईभी ब्रान्डको पाँचौ स्थानमा चांगन, छैटौमा बिएआईसी, सातौमा सेरेस र आँठौमा एलआई अटो दर्ज हुँदा लिपमोटर र एक्सपेङको कमाई भने माइनसमा छ ।

बीवाईडीले यस अवधीमा आँफूले आर्जन गरेको नाफाभन्दा बढि रिसर्च एण्ड डेभ्लपमेन्टमा खर्च गरेको छ । कम्पनीले उक्त अवधीमा कुल १ अर्व ९८ करोड डलर रिसर्च एन्ड डेभ्लपमेन्टमा खर्च गरेको हो ।