चांगनको प्रिमियम पिकअप हन्टरको खुल्यो बुकिङ, पहिलो ३० ग्राहकका लागि ७५.५० लाख मूल्य

काठमाडौं – चीनको अग्रणी अटोमोबाइल ब्रान्डले चांगन अटोले आफ्नो प्रिमियम पिक–अप ‘हन्टर’ को बुकिङ खु्ल्ला गरेको छ । ७५ लाख ५० हजार मूल्य तोकिएको उक्त पिकअपको यो मूल्य पहिलो ३० ग्राहकमा मात्र लागू हुने बताइएको छ ।

हन्टर सबै खालको भूभाग र बाटोको लागि उचित भएको हुनाले नेपाली ग्राहकहरुको लागि सहि रोजाई हुन सक्ने कम्पनीले अपेक्षा गरेको बताएको छ ।

हन्टरमा १.९ टर्बोचार्ज्ड इन्जिन छ जसले १५० एचपी पावर र ३५० एनएम टर्क जेनेरेट गर्छ । उक्त प्रिमियम पिकअपको ग्राउन्ड क्लियरेन्स २३० एमएम छ, जुन यो सेग्मेन्टकै सबैभन्दा राम्रो रहेको छ । यसले १ टनको पेलोड वजन उठाउन सक्छ ।

हन्टर ६–स्पिड अटोमेटिक गियर ट्रान्सिमसन्को साथमा आउने गर्दछ, जसले आफै नै रोडको कन्डिसन अनुसार गियर बदल्न मदत गर्दछ । हन्टरमा १० इन्चको एचडी इन्फोटेनमेन्ट टचस्क्रिन, पुस इन्जिन स्टार्ट बटन, क्रुज कन्ट्रोल, टायर प्रेसर मोनिटरिङ सिस्टम, इलेक्ट्रोनिक स्टाबिलिटी प्रोग्राम र हिल डिसेन्ट कन्ट्रोल जस्ता फिचर रहेका छन् । यसमा आरामदायी पावर असिस्टेड सिट पनि रहेको छ भने यसलाई इको र स्पोर्ट मोडमा चलाउन सकिन्छ ।

हन्टर सम्बन्धी थप जानकारीका लागि फेसबुक पेज हेर्न सकिन्छ भने वेबसाइटमा लगइन गरि हन्टर बुक गर्न तथा टेस्ट ड्राइभ पनि बुक गर्न सकिन्छ ।