सीएफमोटो २५० डुअलको विशेष राइड हुुँदै

काठमाडौं–सीएफमोटो नेपालले आफ्ना २५० डुअल राइडरका लागि विशेष कार्यक्रम ‘रेन्वो ट्राउट राइड’ आयोजना गर्ने भएको छ । राइड जेठ ३० गते नक्सालस्थित सीएफमोटो शोरुमबाट सुरु भई आशापुरी ड्रीम हाउस रिसोर्ट, सूर्यविनायकमा पुगेर सम्पन्न हुनेछ ।

कम्पनीका अनुसार, यस राइडको प्रमुख उद्देश्य सीएफमोटो २५० डुअल राइडरबीच आपसी सम्बन्ध सुदृढ गर्दै एक बलियो भाइचारा सम्वन्ध निर्माण गर्नु हो । मोटरसाइकल केवल यातायातको साधन मात्र नभई समान सोच, साहसिक भावना र नयाँ अनुभव खोज्ने व्यक्तिलाई जोड्ने माध्यम भएको विश्वासका साथ कम्पनीले कार्यक्रम आयोजना गरेको जनाएको छ ।

राइडमा सहभागी राइडरले समूहगत रूपमा सुरक्षित र व्यवस्थित राइडको अनुभव लिनुका साथै विभिन्न मनोरञ्जनात्मक खेल, टीम–बिल्डिङ गतिविधि, अनुभव आदान–प्रदान सत्र तथा अन्य आकर्षक कार्यक्रमहरूमा सहभागिता जनाउने अवसर प्राप्त गर्नेछन् । यसले राइडरबीच मित्रता, सहकार्य र समुदायप्रतिको अपनत्व अझ मजबुत बनाउने अपेक्षा गरिएको छ ।

२५० डुअल नेपालमा साहसिक र बहुउपयोगी मोटरसाइकलका रूपमा लोकप्रिय बन्दै गएको कम्पनी भनाई छ । सोही उत्साहलाई अझ प्रोत्साहन गर्दै ग्राहकलाई ब्रान्डसँग भावनात्मक रूपमा जोड्ने उद्देश्यले राइड आयोजना गरिएको हो ।

कार्यक्रममा सहभागी राइडरले रमणीय मार्गमा सामूहिक यात्रा गर्दै मनोरञ्जन, भाइचारा र साहसिकताको अनुपम अनुभव प्राप्त गर्ने साथै, कार्यक्रममा सहभागीलाई विभिन्न सरप्राइज गतिविधि तथा स्मरणीय क्षणहरू सिर्जना गर्ने अवसर पनि प्रदान गरिने बताइएको छ ।

सम्पूर्ण २५० डुअल मालिकहरूलाई यस विशेष राइडमा सहभागी भई आफ्नो राइडिङ अनुभवलाई अझ रोमाञ्चक, अर्थपूर्ण र अविस्मरणीय बनाउन कम्पनीले् आह्वन गरेको छ ।