सोल्टीमोडमा बिवाइडीको नयाँ शोरुम

काठमाडौं– बीवाइडी गाडीको नेपालका लागि आधिकारिक वितरक साइमेक्स इंक प्रालिले काठमाडौंको सोल्टीमोडमा नयाँ शोरुम ‘बीवाइडी सीटी स्टोर’ बिस्तार गरेको छ । रिकन्डिसन गाडीको कारोबार गर्दै आएको बाबा वसेरा ग्रुपसंगको सहकार्यमा सो नयाँ शोरुम सञ्चालनमा आएको हो ।

साइमेक्सले हालसम्म १२ वटा डिलर नेटवर्क विस्तार गर्न सफल भएको छ । यसले गाडीको बिक्रीमा राम्रो नेटवर्किङ विस्तार गर्नेमा आफूहरु विश्‍वस्त रहेको साइमेक्स इंककी प्रवन्ध निर्देशक यमुना श्रेष्ठले बताइन् ।

इभीका ग्राहकहरुको सेवा र सुविधाका लागि यो शोरुम अत्याधुनिक सुविधा, चार्जिङ स्टेसनसहित तालिम प्राप्त कर्मचारीहरुबाट सुसज्जित रहेको उनले बताइन् । कम्पनीले उपत्यकामा मात्रै ४ वटा शोरुमहरु सञ्‍चालनमा ल्याएको छ । यसको सर्भिस सेन्टर पनि उपत्यका रहेको छ ।

नेपालमा बिवाइडीको अट्टो ३, डल्फिन, ई–६बिक्रीका लागि उपलब्ध छन् । पुराना जुनसुकै ब्राण्डका गाडीहरु एक्स्चेन्ज गरी नयाँ बिवाइडी खरिद गर्न सकिने कम्पनीले जनाएको छ ।