चर्चामा बीवाडीको नयाँ हाइब्रिड सेडान, प्रतिस्पर्धी भन्दा आधाले सस्तो

विश्वको सबैभन्दा ठूलो न्यू इनर्जी भेइकल उत्पादक बीवाइडीले एकपछि अर्को नयाँनयाँ मोडल लन्च गरिहेको छ । कम्पनीले हाईब्रिड र ब्याट्री इलेक्ट्रिकमा सस्तो र अत्याधुनिक मोडल लन्च गर्दै प्रतिस्पर्धीलाई चुनौती दिइरहेको छ ।

कम्पनीले हालै लन्च गरेको नयाँ हाईब्रिड सेडान अहिले मूल्यका कारण चर्चित वनिरहेको छ । चिनियाँ बजारलाई लक्षित गरि आएको क्विन प्लस डिएम–आई प्लग–ईन हाइब्रिडको ग्लोरी एडिसनलाई कम्पनीले प्रतिस्पर्धी ब्राण्डको यहि सेग्मेन्टभन्दा आधा सस्तो मूल्यमा लन्च गरेको हो । सो नयाँ कारको मूल्य जम्मा ११ हजार डलर निर्धारण गरिएको छ ।

नयाँ कारको मूल्य फक्सवागन लाभिडाको तुलनामा १५ प्रतिशत, टोयोटा कोरोला भन्दा ४० प्रतिशत र टोयोटाकै प्रियूस हाइब्रिडको तुलनामा ५० प्रतिशतले सस्तो पर्ने जनाइएको छ । यो नयाँ कारले हाइब्रिड सेडानको बजार कब्जा गर्ने अनुमान गरिएको छ ।

सो नयाँ कारमा १.५ लिटर नेचुरल्ली एस्पिरेटेड पेट्रोल इन्जिन जडान गरिएको छ । ८.३२ र १८.३२ किलोवाट आवर ब्याट्री प्याक बिकल्प दिइएको कारको इलेक्ट्रिक रेन्ज ५५ किलोमिटर दावी गरिएको छ ।

साथै यसमा दुई फरक क्षमताको मोटर जडान गरिएको छ । जसको पावर १८० र १९७ बिएचपी छ भने टर्क ३१६ र ३२५ एनएम जेनेरेट गर्दछ । सस्तो मूल्यमा ल्याएपनि बीवाइडीले यसको फिचरमा कुनै कमी हुन दिएको छैन ।