संसद सचिवालयमा बीवाईडीका इलेक्ट्रिक कार, चाइना एडले दियो सहयोग

काठमाडौं – चाइना एडले संसद सचिवालयलाई बीवाईडीका विद्युतीय कार उपलब्ध गराएको छ । हाल बीवाईडीका ३ वटा एट्टो ३ र ५ युनिट ई६ चाइना एडले उपलब्ध गराएको हो ।

चाइना एडले यी सवारी साधन सिधै संसद सचिवालयलाई उपलब्ध गराएको हो । यद्यपि नेपालमा बीवाईडीको आधिकारिक वितरक रहेको साइमेक्स इंकले यी इलेक्ट्रिक कारका लागि आवश्यक सर्भिसिङ लगायत सम्पूर्ण सुविधा उपलब्ध गराउने बताएको छ ।

नेपालमा बीवाईडीका इलेक्ट्रिक कार पछिल्लो समयमा लोकप्रिय बन्दै गएका छन् । सरकारी निकायबाट समेत सहयोग आदानप्रदान भएको सन्दर्भमा यी सवारी साधनको महत्व अझै बढेर गएको प्रमाणित भएको छ ।