बोबक्याट बी ७६० ब्याक्हो लोडरको बुकिङ खुल्ला

नेपाली बजारमा बोबक्याट बी ७६० ब्याक्हो लोडरको बुकिङ खुला गरिएको छ । आधिकारिक बितरक इन्फ्रास्ट्रक्चर लिजिंग एण्ड कन्स्ट्रक्सन सर्भिस प्रालिले अमेरिकन प्रबिधीमा आधारित यो ब्याकहो लोडरको बुकिङ खुल्ला गरेको हो । काठमाडौं, नारायणगढ, बुटवल, धनगढी, नेपालगञ्ज, पोखरा, वीरगञ्ज र इटहरी लगायत विभिन्न मुख्य शहरहरूमा रहेका शाखा कार्यालयबाट यसलाई बुकिंग गर्न सकिने कम्पनीले जानकारी दिएको छ ।

भारतको चेन्नइस्थित फ्याक्ट्रीमा उत्पादन भएको यो लोडर नेपाल लगायत एसियाली र अफ्रिकी मुलुकलक्षित रहेका कारण नेपालका लागी निकै नै उपयुक्त हुने दाबी गरिएको छ । यसलाई नेपालका तराई, पहाड र हिमाल तिनै भूभागमा पूर्व परीक्षणपछि सार्वजनिक गरिएको हो ।

उक्त मेसिनमा रहेको हिटिंग प्रविधि परीक्षणका लागि नेपालको माथिल्लो मुस्तांग ९४००० अल्टिट्युड उचाईमा परीक्षण गर्दा समेत सहजै चलेको कम्पनीको दाबी छ । यो लोडरमा विश्व प्रसिद्ध पर्किन्स इन्जिन प्रयोग गरिएको छ । ९४ हर्स पावरको शक्ति प्रदान गर्ने तथा उच्च बकेट कर्ल एंगलका साथै उच्च ब्रेकिंग शक्ति समेत रहेकोले कार्य सम्पादनमा सहजता प्रदान गर्न यो एक भरपर्दो उपकरण रहेको दाबी कम्पनीले गरेको छ ।