अब कारमा समेत ब्ल्याक बक्स हुने, के हो ब्ल्याक बक्स ? यसले कसरी गर्छ काम ?

ब्ल्याक बक्सको प्रयोग विशेषगरी प्लेन र हेलिकप्टरमा गरिन्छ । ब्ल्याक बक्स एउटा यस्तो यन्त्र हो जसले विमानसँग सम्बन्धित सबै डाटा रेकर्ड गर्छ । कुनै दुर्घटना वा आपराधिक गतिविधि भएमा ब्ल्याक बक्सबाटै सबै जानकारी सङ्कलन गरिन्छ ।

अब सबै सवारी साधनमा पनि ब्ल्याक बक्सको प्रयोग हुने भएको छ । युरोपेली संघले केही समय पहिले युरोपमा बिक्री हुने कारहरूमा ब्ल्याक बक्स अनिवार्य गरेको थियो ।

कारमा ब्ल्याक बक्सले कारको गति, ब्रेक, स्टेयरिङ पोजिसन, सिटबेल्टको प्रयोग जस्ता डाटा यसमा सधैं उपलब्ध गराउने छ । यसका साथै कारमा भएको कुराकानी रेकर्ड गर्नका लागि यसमा भ्वाइस रेकर्डिङ पनि हुनेछ । यो अहिलेसम्म पुष्टि भएको छैन, तर यसमा भिडियो रेकर्डिङको विकल्प पनि आउन सक्छ, जुन कारमा उपलब्ध हुनेछ । यसमा प्रत्येक ड्राइभको डाटा समावेश हुनेछ ।

ब्ल्याक बक्सको विशेषता भनेको सम्बन्धित कार कम्पनीको वर्कशपमा मात्रै स्वीच अफ गर्न सकिनेछ । कारको चालकले कुनै पनि परिस्थितिमा यसलाई बन्द गर्न सक्नेछैन । यो ब्ल्याक बक्सले कारको इग्निशन सुरु हुने बित्तिकै आफ्नो काम सुरु गर्नेछ र यसमा निरन्तर रेकर्डिङ हुनेछ ।

हाल सम्म बजारमा उपलब्ध हुने मर्सिडिज बेन्ज, औडीका केही मोडेलहरू, बीएमडब्ल्यु, रोल्स रोयस, लम्बोर्गिनी र बुगाटी जस्ता कारमा ब्ल्याक बक्सको प्रयोग गरिएको छ ।