गुगल म्यापमा दशककै ठूलो अपडेट, नयाँ थ्रिडी नेभिगेसन र एआई सुबिधा थप

गुगलले एक दशकपछि आफ्नो म्यापमा सबैभन्दा ठूलो अपडेट गरेको छ । गुगल म्यापमा जेमिनी एआई र नयाँ इमर्सिभ थ्रीडी नेभिगेसन सुबिधा थप गरिएको हो ।

साथै, यसमा ‘आस्क म्याप’ सुविधा राखिएको छ, जसले जेमिनी एआईको सहयागमा विशिष्ट प्रश्नहरूको जवाफ दिन र व्यक्तिगत सिफारिसहरू प्रदान गर्न मद्धत गर्दछ ।

एपमा दिइएको ‘आस्क म्याप’ बटन ट्याप गरेर चालकले आफ्ना प्रश्नहरूको जवाफ कुराकानीमा प्राप्त गर्न सक्ने जनाइएको छ । गुगलका अनुसार, ‘आस्क म्याप’ अद्वितीय रूपमा उपयोगी रहेको छ ।

म्यापको ताजा जानकारीमा ट्याप गरेर आवश्यक पर्ने सबै कुरा देखाउन, प्रतिक्रियाहरू निजीकृत गर्न र योजनाहरूलाई कार्यमा परिणत गर्न सजिलो बनाउने गुगले जनाएको छ ।

इन्टरफेसलाई थ्रीडी विल्डिङ र भू–भागको यथार्थपरक चित्रणको साथ थप इमर्सिभ अनुभव प्रदान गर्न पनि अद्यावधिक गरिएको छ ।

गुगलका अनुसार, यो अपडेटले सडकमा केन्द्रित र सूचित रहन मद्दत गर्नुको साथै, ताजा, वास्तविक विश्व जानकारी र प्राकृतिक दिशाहरू सहित चालकलाई तयार पार्नेछ ।