केटिएम ३९० ड्युक र ट्रायम्फ ४०० मा अव १० वर्षको वारेन्टी

बजाजले भारतमा केटिएम ३९० ड्युक र ट्रायम्फका सबै ४०० सीसी मोडलमा १० वर्षको स्ट्यान्डर्ड वारेन्टी घोषणा गरेको छ । यो अफर जुन ३०, २०२५ सम्म खरिद गरिएका बाइकहरूमा मान्य हुने जनाइएको छ ।

बजाजले कुनै अतिरिक्त लागत बिना ५ वर्षको वारेन्टीमा ५ वर्षको अतिरिक्त कभरेज प्रदान गर्ने घोषणा गरेको हो । वारेन्टी इन्जिन र केही विद्युतीय कम्पोनेन्टमा मात्रै लागु हुनेछ । वारेन्टी अवधि भित्र बाइक बेचेको खण्डमा समेत यो स्थानान्तरण योग्य हुनेछ ।

केटिएम ३९० ड्युकमा ३९९ सीसीको सिंगल सिलिन्डर इन्जिन जडान गरिएको छ । जसले ४५ विएचपी पावर र ३९ एनएम टर्क जेनेरेट गर्दछ । यसैगरी, ट्रायम्फ स्पीड ४०० र स्क्र्याम्बलर ४०० मा ३९८ सीसी क्षमताको इन्जिन राखिएका छ भने यसले ३९.५ बीएचपी पावर र ३७.५ एनएम टर्क जेनेरेट गर्दछ ।

अप्रिलियाले आरएस ४५७ र टुओनो ४५७ का लागि विस्तारित वारेन्टी कार्यक्रम प्रस्तुत गरेको केही दिन पछि यो घोषणा आएको हो । इटालियन बाइक निर्माताले ३ वर्ष अर्थात ३६ हजार किलोमिटर स्टयन्डर्ड वारेन्टीमा १ वर्ष अर्थात १२ हजार किलोमिटर अतिरिक्त वारेन्दि प्रदान गर्दै आएको छ ।