बजाज ‘ग्राण्ड कार्निभल’को आज तेस्रो दिन, क्यारिवियन ब्लु कलरमा आयो पल्सन एन १६०

काठमाडौं– बजाज मोटरसाइकलको आधिकारिक बिक्रेता हंसराज हुलासचन्द एण्ड कम्पनीले आयोजना गरेको ‘ग्राण्ड कार्निभल’ आज तेस्रो दिनमा चलिरहेको छ । दशैंको अवसर पारेर काठमाडौंको भृकुटीमण्डपमा कम्पनीले २४ गतेदेखी ग्राण्ड कानिर्भल सुरु गरेको थियो । कार्निभल २९ गतेसम्म चल्नेछ ।

सो कार्यक्रममा कम्पनीले पल्सर एन १६० को नयाँ कलर सार्बजनिक गरेको छ । क्यारिवियन ब्लु कलरमा निकै आकर्षक देखिएको सो बाइकको मूल्य रेगुलर मोडल सरह ३ लाख ९३ हजार ९०० तोकिएको छ । कलर वाहेक यसमा अन्य कुनै परिवर्तन गरिएको छैन ।

ग्राण्ड कार्निभलमा ग्राहकले उच्च मूल्यांकन र सरल फाइनान्स सुविधामा मोटरसाइकल किन्न र एक्सचेन्ज गर्न पाउने कम्पनीले जनाएको छ । कार्निभलमा १८ भन्दा धेरै भ्यालुएशन कम्पनीहरु सहभागी रहेका छन् ।

यस कार्निभलमा ग्राहकले कम डाउन पेमेन्ट वा शुन्य प्रतिशत ब्याजदरको सुबिधा छनोट गरेर मोटरसाइकल खरिद गर्न पाउनेछन् । साथै फेस्टिभ स्कीम अन्तर्गत ग्राहकले हरेक बजाज मोटरसाइकलको खरिदमा २५ गुणासम्म नगद क्यास जित्न सक्नेछन् ।