बजाजले १२५ सीसी सेगमेन्ट विस्तार गर्ने, डोमिनार पनि १२५ सीसीमा आउने सम्भावना

बजाज मोटरसाइकल ग्राहक माझ धेरै लोकप्रिय छ । अब बजाजले १२५ सीसी लाइनअप पनि विस्तार गर्ने भएको छ । यद्यपि बजाजको पल्सर एनएस१२५ पहिले नै बिक्रीमा उपलब्ध छ । तर रिपोर्टका अनुसार कम्पनीले बजाज डोमिनार १२५ सीसी पनि लन्च गर्ने तयारी गरिरहेको छ ।

बजाजको १२५ सीसी सेगमेन्ट बाइक सबैभन्दा बढी बिक्री हुने गरेको छ । गत महिना भारतमा बजाज पल्सर मोटरसाइकलको कुल १ लाख १२ हजार ५४४ युनिट बिक्री भएको थियो । जसमध्ये ६२ हजार २०७ युनिट मोटरसाइकलमा १२५ सीसी इन्जिन रहेको छ ।

बजाजको आगामी नयाँ बाइकको फोटो परीक्षणका क्रममा लिक भएको छ । सो बाइक बजाज डोमिनार १२५ बाइक हुन सक्ने अनुमान गरिएको छ ।

हालै लिक भएको फोटोमा बजाज पल्सर एनएस १२५ मा जस्तै अलोय ह्विल, फ्युल ट्याङ्की र टेल सेक्शन तथा बाइकको हेडलाइट डोमिनार जस्तै देखिएको छ । जसको कारण सो बाइक बजाज डोमिनार १२५ हुन सक्ने अनुमान गरिएको हो ।

बजाज डोमिनार १२५ लन्च भएमा कम्पनीले यसलाई विद्यमान पल्सर एनएस १२५ भन्दा माथि राख्न सक्छ । बजाजले विश्वभर डोमिनार ब्रान्डअन्तर्गत पल्सर एनएस लाइन र पल्सर ब्रान्डअन्तर्गत डोमिनार मोटरसाइकल बिक्री गरिरहेको छ ।

यद्यपि आगामी बजाज डोमिनार १२५ लन्च गर्ने बारे कम्पनीले कुनै आधिकारिक जानकारी दिएको छैन ।