अफरोड यात्राको नयाँ परिचय, बीएआईसी बीजे३०ई अब नेपालमा

काठमाडौंः अफरोड यात्रा र दैनिक प्रयोग दुवैलाई ध्यानमा राखेर विकास गरिएको बीएआईसी बीजे३०ई अब लक्ष्मी ग्रुपमार्फत नेपाली बजारमा प्रवेश गर्ने तयारीमा छ ।

‘वर्न रग्ड’ अवधारणामा आधारित यो प्लग–इन हाइब्रिड एसयूभी आकर्षक डिजाइन, आधुनिक प्रविधि र अफरोड क्षमताको संयोजनका साथ सहरका सडकदेखि चुनौतीपूर्ण बाटोसम्म आत्मविश्वासका साथ यात्रा गर्न सक्षम रहेको कम्पनीले जनाएको छ ।

नेपालमा प्रविधियुक्त र दमदार एसयूभीप्रतिको बढ्दो आकर्षणबीच बीएआईसी बीजे३०ई को आगमनले उपभोक्तालाई नयाँ विकल्प प्रदान गर्ने अपेक्षा गरिएको छ ।

उत्कृष्ट अफरोड क्षमता, स्मार्ट फिचर र आधुनिक प्रविधिसहित यो एसयूभीले नेपालको विकसित हुँदै गएको एसयूभी बजारमा आफ्नो छुट्टै पहिचान बनाउने विश्वास गरिएको छ ।

आगामी नाइमा मोबिलिटी एक्सपोमार्फत औपचारिक लन्च हुने तयारीमा रहेको यो कार हाल नेपालका विभिन्न सडकमा परिक्षण भइरहेको छ । चीनको प्रख्यात अटो निर्माता बीएआईसीले उत्पादन गरेको बीजे३०ई ले नयाँ प्रबिधीयुक्त एसयूभी प्रयोग गर्न चाहने ग्राहकको अपेक्षा पुरा गर्ने अनुमान गरिएको छ ।