बेलायतमा सबैभन्दा धेरै बिक्री हुने कार बन्यो जेइको जे७

चिनियाँ अटो निर्माता चेरीको जेइको जे७ बेलायतको सबैभन्दा धेरै बिक्री हुने कार बनेको छ । जेइकोे जे७ ले गत मार्चमा सबैभन्दा धेरै बिक्री हुने नयाँ कारको किर्तिमान कायम गरेको हो । सो कार २०२६ मा अहिलेसम्म बिक्री भएको सबैभन्दा लोकप्रिय मोडेलका रुपमा समेत परिचित छ ।

जेइको जे७ सेप्टेम्बर २०२५ देखि नै बेलायतमा सबैभन्दा धेरै बिक्री हुने शीर्ष १० कारमा पर्दै आएको छ । मार्चमा कुल १० हजार ६४ युनिट जेइको जे७ बिक्री भएको जनाइएको छ ।

यो बेलायतमा सबैभन्दा धेरै बिक्री हुने मोडेल बनेको छ, जसले दोस्रो स्थानमा रहेको मोडेलको तुलनामा ७० प्रतिशत बढी बिक्री रेकर्ड गरेको छ ।

बिक्री भएको कुल कारमा एसएचएस–पी प्लग–इन हाइब्रिड भेरियन्टले ८५ प्रतिशत हिस्सा ओगटेको छ । साथै, यो मोडेलले महिनाभरि बिक्री भएको कुल कुल सवारी साधनमा २.६६ प्रतिशत योगदान पु-याएको छ ।

जेइको ७ फ्रन्ट–ह्वील–ड्राइभ र अल–ह्वील–ड्राइभ कन्फिगरेसनमा उपलब्ध छ । १.६ लिटर टर्बो–पेट्रोल इन्जिन र प्लग–इन हाइब्रिड भेरियन्टमा उपलब्ध यस कारले एक हजार १९९ किलोमिटरसम्मको संयुक्त ड्राइभिङ रेन्ज र ९० किलोमिटर इलेक्ट्रिक रेन्ज प्रदान गर्दछ ।

जेइको नेपाली बजारमा समेत उपलब्ध ब्रान्ड हो । नेपालमा यसको जे५ र जे६ मोडल उपलब्ध छ । इलेक्ट्रिक पावरट्रेनमा मात्रै उपलब्ध यी कार पछिल्लो समय नेपाली उपभोक्तामाझ लोकप्रिय वनिरहेका छन् ।