यामाहा नेपालले थप्यो नयाँ वर्ष २०८३ अफर : जेठ १५ सम्म छुटैछुट

काठमाडौं – नेपालका लागि यामाहा मोटरसाइकल तथा स्कुटरको आधिकारिक वितरक एमएडब्लु राइड्सले नयाँ वर्ष २०८३ को अवसरमा ल्याएको ‘यामाहा ब्लुकोड’ नामक अफरको अवधि थप गरेको छ । यस अनुसार सो अफर आगामी जेठ १५ सम्म उपलब्ध हुनेछ ।

यामाहा नेपालले ‘राइड द हाई टेक’ थिमसहित यो योजना ल्याएको थियो । यसको अवधि बैशाख मसान्त सम्म मात्र भएकोमा ग्राहकको मागका कारण समयावधि थप गरिएको कम्पनीको भनाइ छ ।

अफर अन्तर्गत ग्राहकहरूले क्यूआर स्क्यान गरी रजिस्ट्रेसन गरेपछि विभिन्न किसिमका अफरमा सहभागी हुन सक्नेछन् । यो योजनामा एक्साइटमेन्ट, पर्फमेन्स र स्टाइल गरी तीन मुख्य क्याटेगोरीमा पुरस्कार व्यवस्था गरिएको छ ।

एक्साइटमेन्ट अफरअन्तर्गत ग्राहकहरूले घरबाटै सहभागितामा जनाएर १ लाख रुपैयाँसम्म जित्न सक्नेछन् ।

त्यस्तै, पर्फमेन्स अफर अन्तर्गगत यामाहाका नयाँ मोटरसाइकल तथा स्कुटर खरिद गर्ने ग्राहकले ५ लाख रुपैयाँसम्म नगद पुरस्कार जित्न सक्नेछन् । स्टाइल क्याटेगोरीमार्फत हाईटेक ग्याजेटहरू जित्ने मौका पाइने छ ।

कम्पनीका अनुसार यो अभियानले ग्राहकलाई नयाँ प्रविधियुक्त राइडिङ अनुभवसँगै अतिरिक्त मूल्य प्रदान गर्ने लक्ष्य राखेको छ । साथै, स्पट एक्सचेन्ज, सजिलो फाइनान्स सुविधा, ३६ महिनासम्मको लोन अवधि र ५ वर्षसम्मको फ्रि सर्भिस जस्ता थप सुविधाहरू पनि पाउने छन् ।