८० सीसी इन्जिनको मिनी बाइक, यस्तो छ मूल्य र विशेषता

केएनके कार्ट्सले भारतमा आफ्नो नयाँ मिनी बाइक लन्च गरेको छ । भारतमै विकास गरिएको सो बाइक अफ–रोड र क्लोज सर्किटको लागि डिजाइन गरिएको हो । बाइकको मूल्य ५० हजार भारु निर्धारण गरिएको छ ।

केएनके मिनी बाइक बेस्पोक चेसिसमा आधारित छ, जसमा ८० सीसी इन्जिन जडान गरिएको छ । उक्त इन्जिनले ४ ४ बिएचपी पावर उत्पादन गर्दछ भने बाइकको तौल जम्मा ४० किलोग्राम मात्र छ ।

मिनी बाइकमा अगाडि ट्रेलिङ–लिङ्क सस्पेन्सन र पछाडि मोनोशक भएको सिंगल साइडेड ट्यूबलर फोर्क राखिएको छ । साथै, यसको दुबै चक्कामा मेकानिकल केबल–एक्चुएटेड डिस्क ब्रेक जडान गरिएको छ ।

मिनी बाइकको डिजाइन सरल छ । यसमा एकल सिट, यू–आकारको ह्यान्डलबार, सानो इन्धन ट्याङ्की र उठाइएको फेन्डरहरू उपलब्ध गराइएको छ । एलईडी हेडल्याम्पमा सुसज्जित यस बाइमा ओभरसाइज्ड अफ–रोड टायर दिइएको छ ।