मनाङ, ढोरपाटन र तीनजुरेमा स्कोडा काइलकको सफल परीक्षण

काठमाडौं–स्कोडाले काइलकलाई नेपालको सबैभन्दा चुनौतीपूर्ण र कठिन सडक मार्गहरू मनाङ, ढोरपाटन र तीनजुरेमा सफलतापूर्वक परीक्षण गरेको छ ।

यी क्षेत्रहरू ठाडो उकालो–ओरालो, बिग्रेभत्केका सडक, साँघुरा मोड र छिटो बदलिने मौसमका कारण नेपाली चालकहरूबीच कठिन मार्गका रूपमा चिनिन्छन् । काइलकलाई वास्तविक भौगोलिक अवस्थामै परीक्षण गरेर स्कोडाले यस एसयुभी नेपाली सडकका दैनिक चुनौतीका लागि तयार रहेको स्पष्ट पारेको छ ।

उच्च हिमाली भेगका यस्ता धेरै मार्गहरू यात्रा सुरु गर्नुअघि नै चुनौतीपूर्ण मानिन्छन् । लामो उकालो, खुकुलो सतह र अनिश्चित सडक अवस्थाका कारण धेरै सवारीसाधन सहज रूपमा गन्तव्यसम्म पुग्न संघर्ष गर्छन् ।

कहिलेकाहीँ चालकहरूलाई बीच बाटोमै फर्किनु पर्ने वा वैकल्पिक यातायात रोज्नुपर्ने अवस्था पनि आउँछ । तर स्कोडा नेपालले गरेको परीक्षणमा कायलाकले बलियो पावर डेलिभरी र भरपर्दो ट्र्याक्सनका कारण कठिन उकालोहरू स्थिर र विश्वसनीय तरिकाले पार गरेर देखाएको कम्पननीले जनाएको छ ।

हालै हिमालय टिभीमा प्रसारित ‘द फ्याब शो’ कार्यक्रममा घुमन्ते टीमका चर्चित ट्राभल भ्लगर मनिष रुचालले स्कोडा काइलक मार्फत ढोरपाटनको यात्रा अनुभव साझा गर्दै भने, ‘ढोरपाटनका चुनौतीपूर्ण सडकमा पनि हाम्रो आत्मविश्वास कहिल्यै डगमगाएन । गाडीको प्रभावशाली टर्क र पावरले हरेक अवरोध सहजै पार ग¥यो, जसले यात्रालाई अविस्मरणीय बनायो ।’

यी सबै परीक्षणहरूले काइलक नेपालको विविधतायुक्त सडक वातावरणका लागि उपयुक्त रहेको पुष्टि गर्दछ । स्कोडाको युरोपेली इन्जिनियरिङ आधारमा निर्मित यस एसयुभीले स्थिर ह्यान्डलिङ, मजबुत ग्रिप र अचानक बदलिने सडक अवस्थामा समेत निरन्तर प्रदर्शन प्रदान गर्दछ । यसले काइलक केवल सहरका लागि मात्र होइन, नेपालको पहाड र राजमार्गका लागि पनि तयार गरिएको एसयुभी भएको सन्देश दिन्छ ।

यस क्षमतामा ठूलो योगदान काइलकको अटोमेटिक ट्रान्समिसन विकल्पको छ । विशेषगरी काइलकको अटोमेटिक भेरियन्टमा प्रयोग गरिएको ‘रियल अटोमेटिक’ भनिने टर्क कन्भर्टर प्रणाली स्मूथनेस, टिकाउपन र विश्वसनीयताका लागि परिचित छ ।

बिना झट्का सहज रूपमा गियर परिवर्तन हुने भएकाले यसले सहरको ट्राफिकमा आरामदायी अनुभव दिन्छ भने राजमार्ग र ठाडो उकालोमा पनि स्थिर एक्सेलेरेशन र आत्मविश्वासी प्रदर्शन सुनिश्चित गर्दछ ।

‘पावर फर द पिक्स’ ट्यागलाइन सहित प्रस्तुत स्कोडा काइलक नेपालको अनिश्चित र चुनौतीपूर्ण सडककै लागि तयार अटोमेटिक एसयुभीको रूपमा उभिएको छ । मनाङ, ढोरपाटन र तीनजुरेमा प्रमाणित प्रदर्शनसँगै नेपाली ग्राहकबीच यसको प्रतीक्षा र विश्वास झन् बलियो बन्दै गएको छ ।

आराम, नियन्त्रण र विश्वसनीयता एउटै प्याकेजमा खोज्ने चालकका लागि कायलाक नेपालको कठिन यात्रादेखि दैनिक ड्राइभसम्मका लागि तयार एसयुभीको रूपमा स्थापित हुँदैछ ।