कस्तो हुनेछ रोयल इनफिल्डको दोस्रो इलेक्ट्रिक मोटरसाइकल ? भारतमा पेटेन्ट डिजाइन दायर

रोयल एनफिल्डले भारतमा आफ्नो फ्लाइङ फ्ली एस६ स्क्र्याम्बलरको डिजाइन पेटेन्ट गराएको छ । यो अर्को वर्ष लन्च हुने सी६ रोडस्टर पछि, फ्लाइङ फ्ली उप–ब्रान्ड अन्तर्गत ब्रान्डको दोस्रो इलेक्ट्रिक मोडेल हो ।

फ्लाइङ फ्ली सी६ र बी६ पहिलो पटक मिलानमा आयोजित इक्मा शोमा प्रदर्शन गरिएको थियो । एउटै प्लेटफर्ममा बन्ने भएपनि सी६, एस६ को तुलनामा बढी एड्भेन्चरस र अफ–रोड–उन्मुख देखिन्छ ।

अगाडी १९ इन्च र पछाडी १८ इन्चको ह्विल जडान हुने एस६ मा यूएसडी फोर्क सस्पेन्सन जडान गरिने अनुमान गरिएको छ । विस्तृत प्राबिधिक विवरण बाहिर नल्याइएपनि बाइकमा एन्डुरो शैलीको सिट र फिन्ड म्याग्नेसियम ब्याट्री केसिङ उपलब्ध हुने अपेक्षा गरिएको छ ।

सो नयाँ इलेक्ट्रिक मोटरसाइक्लमा अफ–रोड राइडिङ मोड, स्विच गर्न मिल्ने डुअल च्यानल एबिएस, लीन–एंगल–सेन्सिटिभ एबिएस, र ट्र्याक्सन कन्ट्रोल लगायत फिचर उपलब्ध हुने यसअघि नै घोषणा भइसकेको छ ।