फिचर अपग्रेड भएर आउँदै स्कर्पियो एन, लेभल २ एडास पाइने

महिन्द्राले स्कर्पियो एनमा नयाँ फिचर थप्ने भएको छ । एसयूभीमा प्यानाराेिमक सनरुफ र लेभल २ एडासजस्ता फिचर अपग्रेड हुने जनाइएको छ । यी फिचर थप गरेर महिन्द्राले स्कर्पियो एनको नयाँ भेरिएन्ट लन्च गर्न लागेको हो ।

हाल स्कर्पियो एनको टप भेरिएन्टमा मात्रै सिंगल प्यानल सनरुफ उपलब्ध छ भने कुनैपनि भेरिएन्टमा लेभल २ एडास फिचर दिइएको छैन ।

रिपोर्टका अनुसार, स्कोर्पियो एनमा स्मार्ट पाइलट असिस्ट, फरवार्ड कोलिजन वार्निङ, अटोमेटिक इमर्जेन्सि ब्रेकिङ, लेन डिपार्चर वार्निङ, ट्राफिक साइन पहिचान र लेन किप असिस्ट लगायत अन्य थुप्रै सेफ्टि फिचर अपग्रेड गर्न लागिएको छ ।

स्कोर्पियो एन २.० लिटर टर्बो–पेट्रोल र २.२ लिटर डिजेल इन्जिनमा उपलब्ध रहँदै आएको छ । फोर ह्विल ड्राइभ अप्सनमा समेत उपलब्ध यस एसयुभीमा ६–स्पीड म्यानुअल र ६–स्पीडकै अटोमेटिक ट्रान्समिनस पाउन सकिन्छ ।

स्कर्पियो एन नेपाली बजारमा समेत उपलब्ध एसयुभी हो । अग्नी ग्रुपले बिक्री गर्दै आएको यस एसयुभी नेपाली बजारमा कुल तीन भेरिएन्टमा उपलब्ध छ । जसको मूल्य ९० लाखदेखि १ करोड २४ लाख रुपैयाँसम्म पर्छ ।