विश्वभर ३० लाख बढी सजुकी जिम्नी बिक्री, आयो ५५ औँ एनिभर्सरी एडिसन

सुजुकीले जिम्नीको ५५ औँ एनिभर्सरी एडिसन सार्वजनिक गरेको छ । आफ्नो प्रतिष्ठित अफरोडरले विगत ५५ वर्षमा विश्वभर ३० लाखभन्दा बढी युनिटहरु बिक्री गरेको सम्झनामा सुजुकीले जिम्नीको नयाँ एनिभर्सरी एडिसन लन्च गरेको हो ।

जिम्नीको सो नयाँ एडिसन केवल ५५ युनिटमात्र उत्नपादन हुने र तिनलाई फ्रान्सेली बजारमा मात्रै बिक्री गर्ने जनाइएको छ । सुजुकीले यो सानो एसयूभी स्वानसोङका लागि भएको बताएको छ, जसलाई फ्रान्सेली बजारमा यसअघि नै बन्द गरिएको थियो ।

नयाँ एडिसनमा सुजुकीले रेट्रो डिजाइन ग्रिल, रेट्रो डिजाइन साइड स्टिकर र १९८० को दशकदेखि जिम्नीसँग सम्बन्धित प्रसिद्ध शैलीकृत गैंडाको विशेषता रहेको नरम राइनो स्पेयर व्हिल कभर जस्ता अतिरिक्त फिचर थप गरेको छ ।

साथै, यसको प्योसन्जर कम्पार्टमेन्ट र ट्रंकको भुंईमा रवर म्याट, सुजुकी फोर वाई फोरको सम्झाना स्वरुप इम्बोस्ड गरिएको लेदर कभर र मिल्दो कि रिङ लगायत सबिधा दिइएको छ ।

५५ औँ एनिभर्सरी सुजुकी जिम्नीमा ५–स्पिड म्यानुअल गियरबक्सको साथ १.५ लिटर पेट्रोल इन्जिन जडान गरिएको छ ।

सन् १९७० देखि बिक्री हुँदै आएको जिम्नीको हालसम्म ४ वटा जेनेरेसन आइसकेको छ भने हालको जेनेरेसन मोडल २०१८ देखि बिक्रीमा छ । भारतीय बजारमा यसको ५–डोर भर्सन बिक्री हुँदै आएको छ भने सोही भर्सन हाल नेपाली बजारमा समेत उपलब्ध छ ।